Weather Alert: कल्याण-डोंबिवलीच्या हवामानात मोठे बदल, बदलापूरला काय स्थिती? 18 डिसेंबरचं हवामान अपडेट

ऐन हिवाळ्यात देखील राज्याच्या हवामानात चढ-उतार सुरूच आहेत. गेल्या काही दिवसांत थंडीची लाट ओसरली असून हवामान काहीसं स्थीर आहे. पण आता पुन्हा एकदा तापमानात घसरण होणार असल्याचा अंदाज वर्तवण्यात आला आहे. मुंबईसह ठाणे जिल्ह्याचे तापमान पुन्हा 20 अशांच्यां खाली येण्याची शक्यता आहे. कल्याण-डोंबिवलीसह शहापूर, बदलापूर परिसरातील 18 डिसेंबरचं हवामान अपडेट जाणून घेऊ.

गेल्या काही काळात कल्याणमध्ये सकाळी गारठा कायम असून दुपारी तापमानात वाढ होत आहे. आज पुन्हा किमान तापमान 18 ते 20 अंशांच्या दरम्यान राहणार असून कमाल तापमान 34 ते 35 अशांवर जाईल. त्यामुळे किमान आणि कमाल तापमानातील तफावत हैराण करणारी ठरेल.

डोंबिवलीत आज बुधवारच्या तुलनेत तापमानात काहीशी वाढ होण्याची शक्यता आहे. किमान तापमान 16 ते 16 अंश सेल्सिअवर जाण्याची शक्यता असून कमाल तापमानाचा पारा 30 ते 33 अंशांदरम्यान राहील. सकाळी गारठा आणि दाट धुके तर दुपारी उकाडा जाणवले.

कल्याण-डोंबिवलीच्या ग्रामीण भागात थंडीचा कडाका कायम आहे. किमान तापमान 15 अंशांपर्यंत घसरलेले असून कमाल तापमान 25 ते 30 अंशांच्या दरम्यान आहे. त्यामुळे शहरांच्या तुलनेत ग्रामीण भागात थंडीचा जोर अधिक आहे.

कल्याण डोंबिवली शहरातील तापमानाचा तुलनेत आज बदलापूर भागात पारा घसरला आहे. किमान तापमान 12 अंश सेल्सिअस तर कमाल तापमान 24 अंश सेल्सिअस दरम्यान राहील. मुरबाड, शहापूर शहरात देखील गारठा कायम असून किमान तापमान 14 ते 17 अंशांदरम्यान तर कमाल तापमान 28 ते 30 अंशादरम्यान राहील. हवामान थंड आणि कोरडे राहणार असल्याचा अंदाज हवामान विभागाने वर्तवला आहे.