कोकणात फिरण्याचा प्लॅन करताय? मग ही बातमी वाचाच, पर्यटनाबाबत मोठा निर्णय

सुट्ट्या म्हटल्या की बरेच जण कोकणाकडे धाव घेतात. <a href="https://news18marathi.com/tag/konkan-news/">कोकणातील हिरवीगार झाडं, निळेशार समुद्रकिनारे पर्यटकांना आपल्याकडे आकर्षित करतात</a>. तुम्हीही कोकणात फिरायचा विचार करत असला तर ही बातमी तुमच्यासाठी.

<a href="https://news18marathi.com/tag/tourism/">कोकणात पर्यटकांसाठी जलपर्यटनही उपलब्ध आहे</a>. यात बनाना राईड, स्कूबा डायव्हिंग, पॅरासिलिंग, जेटस्की असे किनारपट्टीवरील साहसी क्रीडा प्रकार यांचा समावेश आहे.

मागील काही वर्षांत रत्नागिरी जिल्ह्यात दापोली, गुहागर आणि तालुक्यातील अनेक किनारपट्ट्यांवर हे असे साहसी क्रीडा प्रकार सुरू करण्यात आले आहे. त्यामुळे इथं मोठ्या संख्येनं पर्यटक येतात.

पण कोकणातील समुद्रकिनाऱ्यांवरील हे साहसी क्रीडा प्रकार आता बंद करण्याचा निर्णय घेण्यात आला आहे. मेरीटाईन बोर्डानं तसे आदेश दिले आहेत.

कोकणातील जलपर्यटन 26 मे ते 31 ऑगस्टपर्यंत बंद असणार आहे. मान्सून तोंडावर आल्याने पर्यटकांच्या सुरक्षेच्या दृष्टीकोनातून हा निर्णय घेण्यात आला आहे.

मान्सून अंदमानात दाखल झाला असून 31 मे रोजी तो केरळात धडकणार आहे. सामान्यपणे दरवर्षी एक जूनला मान्सून केरळात दाखल होतो,  मात्र यंदा एक दिवस आधीच तो केरळात येणार आहे.

महाराष्ट्रात 11 जूनपर्यंत दाखल होण्याची शक्यता आहे. त्यामुळे राज्यात मान्सूनचं आगमन थोडं लांबण्याची शक्यता आहे.