बाप्पा पावलो! गणेशोत्सवात कोकणात जाणाऱ्यांसाठी Good News

मुंबई-गोवा महामार्गावरून प्रवास करणाऱ्यांसाठी आनंदाची बातमी आहे. खेड मधील भरणे नाका येथील जगबुडी नदीवरील पूल सुरू झाला आहे.

22 जुलै 2024 रोजी नव्याने बांधलेल्या पुलाला भगदाड पडल्यामुळे तब्बल एक महिना या पुलावरून वाहतूक बंद केली गेली होती.

मागील तब्बल एक महिना एकाच पुलावरून वाहतूक सुरू होती तर एक पूल वाहतुकीसाठी बंद होता.  दुरुस्तीचे काम युद्धपातळीवर सुरू होते तब्बल एक महिन्यानंतर पुलाच्या दुरुस्तीचे काम पूर्ण झांलं.

रॅपिड हार्डिंग सिमेंट वापरून अखेर पुलाची दुरुस्ती करण्यात आली. 21 ऑगस्ट रोजी सकाळपासून या पुलावरून मुंबईच्या दिशेकडे जाणारी वाहतूक सुरू करण्यात आली आहे.

त्यामुळे गणेशोत्सवाच्या पार्श्वभूमीवर आता दोन्ही लेन वरून वाहतूक सुरु होणार असल्याने वाहतूक कोंडीला देखील आळा बसणार आहे.