या 5 सापांच्या पिल्लांना घेऊ नका हलक्यात; त्यांचा एक छोटासा दंशही करेल खेळ खल्लास! 

बऱ्याचदा लोकांना वाटते की, सापाचे पिल्लू काय नुकसान करणार! पण वास्तव याच्या अगदी उलट आहे. ब्लॅक मांबा, बेबी किंग कोब्रा आणि इनलँड ताईपन यांसारख्या सापांची पिल्ले मोठ्या सापांइतकीच नव्हे, तर कधीकधी त्याहूनही जास्त विषारी असतात. या सापांची पिल्ले इतकी कुशलतेने विष बाहेर टाकतात की, ती एकाच दंशात खेळ संपवू शकतात.

गॅबून वायपर हा आफ्रिकेत आढळणारा एक धोकादायक साप आहे. त्याची पिल्लेही पानांमध्ये लपून हल्ला करतात. त्याचे लांब दात खोलवर घुसतात आणि खूप विष बाहेर टाकतात. त्याची लांबी 2 इंच (5.1 सेमी) पर्यंत असते आणि इतर कोणत्याही सापाच्या तुलनेत त्यात सर्वात जास्त विष असते.

ब्लॅक मांबा आफ्रिकेत आढळतो आणि सर्वात धोकादायक सापांपैकी एक मानला जातो. त्यांची पिल्ले अंड्यातून बाहेर येताच विषाने सज्ज असतात. ती अत्यंत वेगवान असतात आणि एकदाच नव्हे तर अनेक वेळा हल्ला करू शकतात. त्यांचे विष शरीरावर काही मिनिटांतच प्रभाव दाखवू लागते. ब्लॅक मांबा काळ्या रंगाचा नसून हिरव्या आणि राखाडी रंगाचा असतो. हा साप इतका धोकादायक आहे की त्याच्या विषाचा एक मिलीग्राम देखील माणसाचा जीव घेऊ शकतो.

इनलँड ताईपन हा जगातील सर्वात विषारी सापांपैकी एक मानला जातो. अंड्यातून बाहेर येताच, हा साप प्राणघातक दंश करण्यास सक्षम असतो. ऑस्ट्रेलियाच्या दुर्गम वाळवंटी भागात आढळणाऱ्या इनलँड ताईपनची पिल्ले क्वचितच दिसतात. हे साप स्वभावाने लाजाळू असतात आणि सामान्यतः लोकांपासून दूर राहतात, परंतु जर त्यांना धोका जाणवला तर ते वेगाने हल्ला करतात आणि त्यांच्या विषाची अगदी कमी मात्रा देखील अत्यंत धोकादायक असू शकते.

किंग कोब्रा जगातील सर्वात विषारी साप म्हणून ओळखले जातात. बहुतेक लोक मोठ्या सापांना घाबरतात, पण त्यांची पिल्लेही तितकीच धोकादायक असतात. बेबी किंग कोब्रा अनेकदा अधिक घाबरलेले असतात आणि जर त्यांना धोका जाणवला तर ते पटकन हल्ला करतात. त्यांचे विष थेट मज्जासंस्थेवर परिणाम करते आणि एखाद्या व्यक्तीचा मृत्यू देखील होऊ शकतो.

कॉपरहेड साप अमेरिकेत आढळतात आणि ते स्वतः फारसे धोकादायक मानले जात नाहीत, परंतु त्यांची पिल्ले नक्कीच धोक्याचे कारण बनू शकतात. ही पिल्ले सुक्या पानांमध्ये किंवा जंगलाच्या जमिनीवर इतकी चांगल्या प्रकारे लपतात की त्यांना पाहणे कठीण होते. ती 8 ते 10 इंच लांब असतात आणि जन्मापासूनच ती तीक्ष्ण दात आणि विषाने सज्ज असतात. पिल्ले त्यांच्या विषाचे प्रमाण नियंत्रित करू शकत नाहीत, ज्यामुळे ती अनेकदा जास्त विष बाहेर टाकतात.