Than आणि Then कधी वापरायचं? दोघांचा उच्चार एकच पण त्यांचा वापर कुठे करायचा माहितीय?

इंग्रजी बोलताना किंवा लिहिताना आपण अनेकदा अशा शब्दांवर येऊन थांबतो ज्यांचा उच्चार सारखा असतो, पण अर्थ मात्र पूर्णपणे वेगळा! अशेच दोन शब्द म्हणजे 'Than' आणि 'Then'.

सोशल मीडियावरील कमेंट्स असोत किंवा ऑफिसचा एखादा महत्त्वाचा ईमेल, या दोन शब्दांमधील एका चुकीच्या अक्षरामुळे वाक्याचा अर्थ अनर्थ होऊ शकतो.

अनेकदा आपल्याला वाटतं की काय फरक पडतोय? पण व्याकरणाच्या दृष्टीने हे दोन्ही शब्द दोन वेगवेगळ्या दिशांना जातात. चला तर मग, आज या दोन्ही शब्दांमधला फरक इतक्या सोप्या भाषेत समजून घेऊया की पुन्हा कधीही तुमचा गोंधळ होणार नाही.

Than: जेव्हा तुलना करायची असते'Than' (टी-एच-ए-एन) हा शब्द प्रामुख्याने तुलना (Comparison) करण्यासाठी वापरला जातो. जेव्हा आपल्याला दोन वस्तू, व्यक्ती किंवा कृतींमधील फरक सांगायचा असतो, तेव्हा आपण 'Than' चा वापर करतो. मराठीत याचा अर्थ 'पेक्षा' असा होतो.

वापरायचे नियम आणि उदाहरणे:दोन व्यक्तींची तुलना: Rahul is smarter than Amit. (राहुल अमितपेक्षा हुशार आहे.)पसंती दर्शवण्यासाठी: I would rather walk than wait for the bus. (बसची वाट पाहण्यापेक्षा मी चालत जाणे पसंत करेन.)संख्येची तुलना: There were more than fifty people. (तिथे पन्नासपेक्षा जास्त लोक होते.)

Then: जेव्हा वेळेचा संदर्भ असतो'Then' (टी-एच-ई-एन) हा शब्द वेळ (Time) किंवा क्रम (Sequence) दर्शवण्यासाठी वापरला जातो. जेव्हा आपल्याला एखादी गोष्ट 'त्यानंतर' घडली किंवा 'तेव्हा' घडली असं सांगायचं असतं, तेव्हा 'Then' चा वापर होतो.

वापरायचे नियम आणि उदाहरणेक्रम सांगण्यासाठी: First, finish your homework, then go to play. (आधी तुझा अभ्यास पूर्ण कर, त्यानंतर खेळायला जा.)वेळ दर्शवण्यासाठी: I lived in Mumbai back then. (मी तेव्हा मुंबईत राहायचो.)परिणाम सांगण्यासाठी: If it rains, then we will stay home. (जर पाऊस पडला, तर आपण घरीच थांबू.)

फरक ओळखण्याची 'स्मार्ट' ट्रिकजर तुम्हाला ऐनवेळी आठवत नसेल की 'A' असलेला शब्द वापरायचा की 'E' असलेला, तर ही सोपी ट्रिक लक्षात ठेवा:ThAn मध्ये 'A' आहे, आणि Comparison (तुलना) मध्ये सुद्धा 'A' येतो. म्हणून तुलना करताना 'Than' वापरा.ThEn मध्ये 'E' आहे, आणि Time (वेळ) मध्ये सुद्धा 'E' येतो. म्हणून वेळेचा संदर्भ देताना 'Then' वापरा.