Mumbai Food Guide : मुंबईत राहून जर हे पदार्थ नाही खाल्ले, तर खरंच काय खाल्लं? एकदा तरी नक्की ट्राय करा

मुंबई शहर म्हणजे प्रत्येकजण गडबडीत. या धावपळीच्या जीवनात जर पटकन आणि परवडणारा शिवाय गल्लोगल्ली सापडणारा वडापाव मुंबईकरांचा आवडता पदार्थ आणि जो रोजचा हमखास प्रत्येकाच्या पोटाचा आधार बनला आहे.

पाणीपुरी हा सर्वत्र मिळणारा पदार्थ असला तरी मुंबईतील पाणीपुरीची चव वेगळीच ओळख निर्माण करते. तिखट-गोड पाण्याचा खास स्वाद आणि खास मसाल्यामुळे मुंबईकरांची पाणीपुरी नेहमीच खवय्यांची पहिली पसंती ठरते.

नेपाळमधून भारतात आलेला मोमोज हा पदार्थ आज खवय्यांच्या मनावर राज्य करत आहे. चवीला खास, खाण्यास हलके आणि झटपट मिळणारे मोमोज मुंबईतही मोठ्या आवडीने चाखले जातात.

फ्रँकी हा मुंबईच्या फास्ट फूड संस्कृतीतील आवडता पदार्थ आहे. मिक्स भाज्या,त्यात पनीर, चायनीज अशा विविध चवींमुळे हा पदार्थ मुंबईकरांच्या खाण्याच्या यादीत कायम आवडतीचा असतो.

इतर ठिकाणी समोसा चटणीसोबत खाल्ला जातो, पण मुंबईत त्याची मजा पावासोबतच येते. वडापावप्रमाणेच समोसापावही अनेक मुंबईकरांचा आवडता झटपट नाश्ता बनला आहे.

तर मग सांगा तुम्ही मित्र-मैत्रिणींसोबत गप्पा मारत या चविष्ट पदार्थांचा आस्वाद घेण्यासाठी तुम्ही केव्हा बाहेर पडणार आहात?