Cold Water : तुम्हीही पिताय फ्रिजमधल थंड पाणी? शरीराला होऊ शकत 'हे' मोठं नुकसान

उष्ण हवामानात शरीराला थंडावा देण्यासाठी फ्रिजमधील थंड पाणी पिणे एक सामान्य सवय झाली आहे. पण, आरोग्य तज्ञांच्या मते, फ्रिजचे थंड पाणी आरोग्यासाठी हानिकारक ठरू शकते. यामुळे शरीराला मोठा धक्का बसतो, ज्यामुळे पचनक्रिया, रोगप्रतिकारशक्ती आणि एकूण आरोग्यावर नकारात्मक परिणाम होऊ शकतो.

पचनक्रिया मंदावते: थंड पाणी प्यायल्याने पचनसंस्थेतील रक्तवाहिन्या आकुंचन पावतात. यामुळे पचनक्रिया मंदावते आणि अन्न पचायला जास्त वेळ लागतो. परिणामी, पोटदुखी आणि बद्धकोष्ठता सारख्या समस्या उद्भवू शकतात.

गळ्याला सूज येते: थंड पाणी पिण्याचे सर्वात मोठे नुकसान म्हणजे घसा खवखवणे आणि सूज येणे. यामुळे श्वास घेण्यास त्रास होऊ शकतो आणि खोकला व सर्दी होण्याची शक्यता वाढते.

पोषक तत्वे शोषली जात नाहीत: जेव्हा तुम्ही जेवणानंतर लगेच थंड पाणी पिता, तेव्हा शरीराचे तापमान कमी होते. यामुळे शरीराला अन्न पचवण्यासाठी आणि त्यातील पोषक तत्वे शोषण्यासाठी जास्त ऊर्जा खर्च करावी लागते.

लठ्ठपणा वाढवतो: थंड पाणी शरीरातील चरबी घट्ट करते, ज्यामुळे चरबी जाळणे कठीण होते. यामुळे वजन कमी करण्याचा प्रयत्न करणाऱ्या लोकांसाठी हे हानिकारक आहे.

हृदयाच्या गतीवर परिणाम: काही अभ्यासानुसार, जास्त थंड पाणी प्यायल्याने हृदयाची गती कमी होऊ शकते. यामुळे हृदयाच्या आरोग्यावर ताण येऊ शकतो, विशेषतः ज्यांना हृदयाचे आजार आहेत त्यांच्यासाठी हे धोकादायक आहे.

डोकेदुखी: थंड पाणी प्यायल्याने काही लोकांना मायग्रेन किंवा डोकेदुखीचा त्रास होऊ शकतो. हा त्रास मेंदूच्या नसांवर परिणाम झाल्यामुळे होतो. फ्रिजचे थंड पाणी पिण्याऐवजी माठातील किंवा सामान्य तापमानाचे पाणी पिणे आरोग्यासाठी अधिक फायदेशीर आहे. या सोप्या सवयीमुळे तुम्ही पचनक्रिया आणि रोगप्रतिकारशक्ती निरोगी ठेवू शकता. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)