Glowing त्वचेसाठी हळदच Best! पार्लरची गरज पडणार नाही, फक्त वापर माहित हवा

हळदीचा उपयोग जवळपास रोजच्या जेवणात केला जातो. पदार्थांना रंग आणि चव देण्यासह हळद विविध आजारांवर उपयुक्त असते. त्यामुळे आजीबाईच्या बटव्यापासून आयुर्वेदिक उपचारांमध्ये तिची आपल्या आयुष्यात महत्त्वपूर्ण भूमिका आहे.

झारखंडच्या हझारीबागेतील जिल्हा आयुष अधिकारी देव नंदन तिवारी सांगतात की, हळदीला भारतीय स्वयंपाकघरातलं सोनं मानलं जातं. तिचं सेवन करण्याचे अनेक आरोग्यदायी फायदे आहेत.

दुखापतीतून झालेली कोणतीही जखम हळदीमुळे भरून निघते. दुखापतीमुळे आलेली सूजही हळदीचा लेप लावल्यास ओसरते.

मधुमेहात हळद एखाद्या औषधापेक्षा कमी नाही. तिच्या सेवनाने रक्तातली साखर नियंत्रित राहण्यास मदत मिळते. शिवाय यकृत आणि स्वादुपिंडही सुदृढ राहतं.

त्वचेसाठी हळद अत्यंत गुणकारी असते. मुरुम, डोळ्यांभोवतीची काळी वर्तुळं, फिकटपणा, कोरडेपणा, सुरकुत्या हळदीमुळे कमी होऊ शकतात.

तोंडाची दुर्गंधी आणि कमकुवत हिरड्यांवरही हळद अत्यंत प्रभावी ठरते. शिवाय साथीच्या आजारांवर हळदीमुळे आराम मिळतो.