मिरचीचा ठसका कोलेस्ट्रॉलवर भारी! हिरव्या मिरचीचे झणझणीत फायदे वाचून व्हाल थक्क

हिरव्या मिरचीत व्हिटॅमिन ए भरपूर प्रमाणात असतं. ज्यामुळे डोळ्यांची दृष्टी तीक्ष्ण होते. म्हणूनच आहारतज्ज्ञ जेवणात हिरव्या मिरचीचा समावेश आवर्जून करण्याचा सल्ला देतात.

हिरव्या मिरचीमुळे रोगप्रतिकारक शक्तीही कमालीची वाढते. शिवाय यात बीटा कॅरोटिन आणि व्हिटॅमिन सीचं प्रमाणही भरपूर असतं. बीटा कॅरोटिनमुळे रोगप्रतिकारक शक्ती कमालीची वाढते. शिवाय व्हिटॅमिन सीमुळे आजारपणाशी लढण्याची ताकद मिळते.

दररोज मिरची खाल्ल्याने वजनही नियंत्रणात राहतं. कारण हिरव्या मिरचीत असलेल्या कंपाउंड कॅप्साइसिनमुळे भूक आणि फॅट दोन्ही नियंत्रणात राहतं. त्यामुळे वजन कमी होण्यास आपसूक मदत मिळते.

हिरव्या मिरचीला नॅचरल पेन रिलीव्हरदेखील म्हणतात. यात असलेल्या कंपाउंड कॅप्साइसिनमुळे अंगदुखीवर आराम मिळतो. हे कंपाउंड नर्व्ह्स सिस्टमच्या आत जाऊन दुखणं कमी करतं. महत्त्वाचं म्हणजे ऍसिडमुळे होणाऱ्या हार्टबर्नवरही हिरवी मिरची रामबाण असते.

शरिरातलं बॅड <a href="https://news18marathi.com/photogallery/lifestyle/health/start-your-morning-with-this-healthy-drink-to-lose-weight-l18w-mhij-1194465.html">कोलेस्ट्रॉल</a> कमी करणं, <a href="https://news18marathi.com/photogallery/lifestyle/health/these-4-fruits-can-fulfill-vitamin-b12-deficiency-l18w-mhij-1194388.html">ब्लडप्रेशर</a> नियंत्रणात ठेवणं, हृदयरोगांपासून शरिराचं रक्षण करणं, इत्यादी हिरव्या मिरचीचे अनेक <a href="https://news18marathi.com/lifestyle/health/how-to-choose-and-use-sunscreen-avoid-common-mistakes-mhij-1194143.html">आरोग्यपयोगी</a> फायदे आहेत. परंतु लक्षात घ्या, ही माहिती तज्ज्ञांशी केलेल्या चर्चेवर आधारित असली तरी आपण आपल्या आरोग्यासंबंधित, आहारासंबंधित कोणताही निर्णय घेण्यापूर्वी स्वतः डॉक्टरांचा सल्ला घ्यावा. कोणत्याही नुकसानासाठी न्यूज18 मराठी जबाबदार नसेल.