Daily Eggs Limit : दररोज किती अंडी खायची? लातूरच्या डॉक्टरांनी सांगितलं प्रमाण

अंडं म्हणजे प्रोटिन, यातून खूप प्रोटिन मिळतं. शरीराला प्रोटिन मिळण्यासाठी अंडी खाण्याचे आणखी खूप फायदे आहेत. अंड्यात व्हिटॅमिन के, ए, डी, ई, व्हिटॅमिन बी कॉम्प्लेक्स यांचं प्रमाण चांगलं असतं, ओमेगा 3 फॅटी एसिड असतं.

अंड्याचा इन्सुलिन्स इंडेक्स चांगला आहे, ज्यामुळे शुगर कंट्रोलमध्ये राहते, थकवा जाणवत नाही. अंडं लिव्हर आणि मेंदूसाठीही चांगलं. यात कोलिन नावाचा घटक असतं, जो मेंदूच्या आरोग्यासाठी, बुद्धीसाठी चांगला.

अंड्यामधील अँटिऑक्सिडंट्स डोळ्याच्या पाठीमागील मागील थर ज्याला रेटिना म्हणतात त्याला निरोगी ठेवतात. त्वचा आणि केसांसाठी अंडी चांगली कारण यात बायोटिन नावाचा घटक आणि व्हिटॅमिन डी हे केसांची मुळं मजबूत करतात. केसगळती होत नाही, केस दाट होतात. त्वचेच्या आतील कोलेजन वाढवण्याचं काम करतं, ज्यामुळे त्वचा टवटवीत होते. सुरकुत्या पडत नाहीत.

अंडी गूड कोलेस्ट्रॉल वाढवतं आणि बॅड कोलेस्ट्रॉल कमी करण्यास मदत करतं. वजन नियंत्रणात ठेवतं. अंड्यातील पिवळा बलक खाल्ला नाही तर चरबी वाढणार नाही, वजन नियंत्रणात राहिल. वजन वाढवायचं असेल तर पिवळा भाग खावा.

अंड्यामुळे स्टॅमिना, शक्ती वाढते. स्नायू, हाडं, सांधे मजबूत होतात, रक्ताचं प्रमाणही वाढतं.  प्रेग्नंट महिलांनी नियमित अंडी खाल्ली तर त्यांचं आरोग्य चांगलं राहतं. पोटातील बाळाची वाढ, त्याच्या अवयवांची वाढ चांगली होण्यास मदत होते. स्टॅमिना, शक्ती वाढते.

आता दररोज अंडी खायची तर किती? लातूरचे डॉक्टर राम जावळे यांनी सांगितलं की, दररोज कमीत कमी 2 अंडी खावीत. जे कष्टाचं काम करतात त्यांनी 4 अंडी घ्यावीत. हिवाळ्यात दररोज 2 ते 4 अंडी खाऊ शकता.

लठ्ठ व्यक्तींनी शक्यतो उकडलेलं अंडं खावं, ऑम्लेट वगैरे तेलातील अंडं खाऊ नये, पिवळा भाग खाऊ नये. तर ज्यांना वजन वाढवायचं ते अंड्यातील पिवळा भाग आणि ऑमलेटही खाऊ शकतात. उकडलेल्या अंड्याचा पांढरा भाग खायचा तर मग दोन अंडी असतील तर एका अंड्याचा पिवळ बलक खा, असा सल्ला डॉ. जावळे यांनी त्यांच्या युट्युब चॅनेलवर पोस्ट केलेल्या व्हिडीओतून दिला आहे.