फळांचे नेहमी ज्यूस करून पिण्यापेक्षा बनवा हेल्दी स्मूदी, झटपट तयार करण्यासाठी रेसिपी नोट करा

फळ खाणं हे आपल्या आरोग्यासाठी अत्यंत चांगलं असतं. त्यामुळे आपण एक तरी फळ खातो किंवा त्याचे ज्यूस करून पितो. पण नेहमी ज्यूस करून पिण्या पेक्षा या फळांची हेल्दी स्मूदी देखील करून पिऊ शकता.

ही स्मूदी अगदी झटपट आणि 5 मिनिटांमध्ये तयार होते. किवी आणि बनाना यांची झटपट अशी स्मूदी तयार करण्याची सोपी रेसिपी आपल्याला छत्रपती संभाजीनगरमधील डॉक्टर प्रज्ञा तल्हार यांनी सांगितली आहे.

स्मूदी तयार करण्यासाठी लागणारे साहित्य : एक केळ, मोठ्या आकाराची किवी, मध, पाणी, पिस्ता आणि खस सरबत.

सर्वप्रथम एक किवीचे काप करून घ्यायचे. हे केलेले काप थोडावेळ फ्रिजमध्ये ठेवून द्यायचे. त्यामुळे त्याच्यामध्ये चांगला थंडपणा आणि फ्रेशनेस येतो. सर्वप्रथम केळाचे बारीक तुकडे करून घ्यायचे.

ते मिक्सरच्या भांड्यांत टाकायचे. त्यांनतर किवी देखिल मिक्सरच्या भांड्यात टाकायचे. यांचे चांगले बारीक मिश्रण करून घ्यायचे. त्यामध्ये अगदी थोडसं पाणी टाकायचं. आणि चांगली थीक पेस्ट याची करून घ्यायची.

ही तयार झालेलं मिश्रण एका ग्लासमध्ये काढायचे. आता सर्व्ह करण्यासाठी मिश्रण ग्लासमध्ये टाकलेला आहे. यामध्ये एक चमचा खस सरबत टाकायचं. एक चमचा मध टाकायचा आणि हे सर्व एकजीव करून घ्यायचं. वरतून पिस्ताचे बारीक तुकडे करून टाकायचे. अशा पद्धतीने हेल्दी स्मूदी बनवून तयार होते. तर ही झटपट तयार होणारी स्मूदी तुम्ही उन्हाळ्यात घरी एकदा नक्की ट्राय करून बघा.