Summer Tips : उन्हाळ्यात मॉर्निंग वॉक करण्याचे 'हे' आहे परफेक्ट ड्युरेशन; वेळ पाळा, 43% आजार राहतील दूर

शरीर निरोगी आणि तंदुरुस्त ठेवण्यासाठी मॉर्निंग वॉक करायला हवा. मॉर्निंग वॉक केल्याने एनर्जी लेव्हल सुधारते. यामुळे शारीरिक आरोग्यासोबत मानसिक आरोग्यासही फायदा होतो. नियमित मॉर्निंग वॉक केल्याने अनेक धोकादायक आजारांचा धोका कमी होतो. मॉर्निंग वॉक सर्व वयोगटातील लोकांसाठी फायदेशीर मानले जाते.

तज्ज्ञांच्या मते, दररोज मॉर्निंग वॉक केल्याने लोकांची रोगप्रतिकारक शक्ती मजबूत होऊ शकते. तुम्ही तणाव किंवा चिंतेचा सामना करत असाल तर मॉर्निंग वॉकमुळे आराम मिळतो. दिवसभर सकारात्मक आणि आनंदी राहण्यासाठी सकाळी नक्कीच फिरायला हवे. सकाळी उठणे आणि फिरायला जाणे तुमच्या मानसिक आरोग्यासाठी खूप चांगले आहे.

बहुतेक अभ्यासात असे दिसले की, लोकांनी रोज किमान 20 ते 30 मिनिटे मॉर्निंग वॉक केला पाहिजे. शक्य असल्यास, तुम्ही 1 तास चालू शकता. यामुळे तुमच्या आरोग्याला आश्चर्यकारक फायदे मिळतील. दर आठवड्याला किमान 5 दिवस सलग चालणे महत्वाचे आहे. जर तुम्ही हे नियमित केले तर तुम्हाला अधिक फायदे होतील.

मॉर्निंग वॉक केल्याने तुमचा दिवस चांगल्या मूडने सुरू होतो आणि संपतो. सर्व वयोगटातील लोक त्यांच्या क्षमतेनुसार मॉर्निंग वॉक करू शकतात. रोज मॉर्निंग वॉक घेतल्याने फ्लूचा संसर्ग होण्याचा धोका कमी होतो. अभ्यासात दिसले आहे की, जे लोक दिवसातून किमान 20 वेळा, आठवड्यातून 5 दिवस चालतात, त्यांचा आजारी पडण्याचा धोका 43% कमी होतो.

बऱ्याच संशोधनात असे दिसले की, रोज सकाळी 1 तास वेगवान वॉक केल्याने लोकांचे आयुर्मान 2 तासांनी वाढू शकते. मॉर्निंग वॉक केल्याने लोकांच्या मेंदूचे कार्य सुधारते आणि त्यांची विचार करण्याची क्षमता वाढते. हे मेंदूसाठी खूप फायदेशीर मानले जाऊ शकते. मॉर्निंग वॉक हाडांसाठी आणि सांध्यांसाठीही फायदेशीर आहे.

आरोग्य तज्ज्ञांच्या मते, नियमित मॉर्निंग वॉकमुळे हृदयविकार, स्ट्रोक, मधुमेह आणि काही प्रकारच्या कर्करोगाचा धोका कमी होतो. उच्च रक्तदाबाचा त्रास असलेल्या रुग्णाने चालण्याने रक्तदाब नियंत्रित ठेवण्यास मदत होते. मॉर्निंग वॉक हृदयासाठीही फायदेशीर असतो. गुडघे आणि स्नायूंसाठी देखील हे फायदेशीर आहे. मॉर्निंग वॉकचे असंख्य फायदे आहेत, जे तुम्हाला फक्त 20-30 मिनिटांच्या चालण्याने मिळू शकतात.