तुम्हीही उशीरा झोपता? आत्ताच सवय बदला; त्याशिवाय होणार नाही प्रगती, 'हे' आहेत लवकर उठण्याचे फायदे

रात्री लवकर झोपणे आणि सकाळी लवकर उठणे आरोग्यासाठी चांगले मानले जाते. याउलट करणाऱ्यांना वाईट सवयीचे म्हटले जाते. खरं तर, आजकाल बहुतेक लोक दिवसा काम करतात, त्यामुळे रात्री उशिरा झोपतात. तर लवकर उठण्याचे फायदे काय ते पाहुया...

घरातील वडीलधारी मंडळी नेहमी लवकर झोपतात, कारण त्यांना वाटते की सकाळी लवकर उठणे म्हणजे नवीन दिवसाचे लवकर स्वागत करण्यासारखे आहे. पहाटे 4 ते 5 या वेळेला ब्रह्ममुहूर्त म्हणतात आणि असे मानले जाते की त्या वेळी लोक जे विचार करतात, ते पूर्ण होते. याच कारणामुळे थोर व्यक्ती पहाटे चार किंवा पाच वाजता उठतात. सकाळी लवकर झोपणे आणि लवकर उठणे ही सर्वोत्तम सवय आहे; ही सवय शरीराला निरोगी आणि मजबूत बनवते.

संशोधनातून असे दिसून आले आहे की, जे लोक लवकर झोपतात ते अधिक सतर्क आणि आशावादी असतात, त्यांचा दिवस लवकर सुरू होतो आणि ते चांगल्या एकाग्रतेने दिवसाची सुरुवात करू शकतात. वैज्ञानिक दृष्टिकोनानुसार, मेंदूचा फ्रंटल कॉर्टेक्स सकाळी सक्रिय असतो, ज्यामुळे लोकांना त्यांची इच्छाशक्ती वाढविण्यात, नियोजन करण्यात आणि योग्य निर्णय घेण्यात मदत होते. हा कॉर्टेक्स आपल्याला मोठी स्वप्ने पाहण्यासाठी आणि ती पूर्ण करण्यासाठी प्रोत्साहित करतो. त्यामुळे लवकर उठणे सकारात्मक आहे.

ज्योतिषी कर्बी बेझबरुआ यांचा सल्ला आहे की, बहुतेक लोक दिवसा काम करतात आणि रात्री उशिरा झोपी जातात. हळूहळू रात्री उशिरा झोपण्याची सवय लागते, ज्यामुळे शरीरात आळस वाढतो आणि लोक चिडचिडे होतात. जी कामे करायची असतात, ती मागे राहतात. निरोगी शरीर म्हणजेच निरोगी मन. उशिरा झोपण्यामुळे मुलांची स्मरणशक्तीही कमी होते.

ज्यांना रात्री उशिरा झोपण्याची सवय आहे, ते लवकर झोपण्यासाठी हनुमान चालीसा ऐकू शकतात. जर तुम्हाला रात्री वाईट स्वप्नांमुळे अचानक जाग आली, तर उशीखाली तुळशीची पाने ठेवून झोपल्यास चांगली झोप येते. रात्री झोपताना तांब्याच्या ग्लासमध्ये पाणी ठेवून झोपल्यास वाईट स्वप्ने पडत नाहीत किंवा मध्यरात्री जाग येत नाही. तुम्ही कितीही व्यस्त असलात तरी आपल्या शरीराला विश्रांती देणे आणि वेळ देणे खूप महत्त्वाचे आहे.