देवगिरी किल्ल्याला भीषण आग, संपू्र्ण किल्ल्याला आगीचा विळखा, भयानक Photo

अविनाश कानडजे प्रतिनिधी, (छत्रपती संभाजीनगर): छत्रपती संभाजीनगरच्या ऐतिहासिक दौलताबाद येथील देवगिरी किल्ल्याला भीषण आग लागली आहे.

ही आग इतकी वेगाने पसरली की, अल्पवेळातच संपूर्ण किल्ल्याला आगीने विळखा घातला.

दुरूनच किल्ल्याच्या परिसरातून धुराचे लोट निघताना दिसत असून, या आगीत किल्ल्यावरील वनसंपदा जळून खाक झाली आहे.

देवगिरी किल्ला हा एक अभेद्य डोंगरी किल्ला आहे. ११ व्या शतकात हा किल्ला यादवांनी उभारला आहे.

किल्ल्याच्या ३ स्तरांच्या सुरक्षारचना, गुप्त मार्ग आणि २०० मीटर उंच शंकूच्या आकाराच्या टेकडीवर बांधलेल्या उत्कृष्ट वास्तुकलेसाठी हा किल्ला प्रसिद्ध आहे.