काश्मीरमध्ये सिंधू-झेलम नद्यांच्या पवित्र संगमावर अजितदादांच्या अस्थींचे विसर्जन, भावुक करणारे Photo

काश्मीर - भारत मातेच्या मुकुटात वसलेल्या काश्मीरमध्ये, सिंधू व झेलम या पवित्र नद्यांच्या संगमावर राष्ट्रवादी काँग्रेसचे राष्ट्रीय अध्यक्ष व माजी उपमुख्यमंत्री अजितदादा पवार यांच्या पवित्र अस्थींचे विधिवत विसर्जन करण्यात आले.

कश्मीर ते कन्याकुमारी सुरू असलेल्या ‘अस्थि कलश यात्रे’च्या निमित्ताने राष्ट्रवादी युवक काँग्रेसचे राष्ट्रीय अध्यक्ष धीरज शर्मा यांच्या नेतृत्वाखाली हा कार्यक्रम पार पडला.

शादीपोरा येथील या पवित्र स्थळी राष्ट्रवादी पदाधिकारी व कार्यकर्ते, काश्मिरी पंडितांसह स्थानिक नागरिक मोठ्या संख्येने उपस्थित होते.

यापूर्वी श्रीनगर येथे शांतता सभेचे आयोजन करण्यात आले होते.

राष्ट्रवादी युवक काँग्रेसचे पदाधिकारी आरिफ सूरमां यांच्या देखरेखीखाली पार पडलेल्या या कार्यक्रमातून अजितदादांची लोकप्रियता राज्य आणि धर्माच्या पलीकडे असल्याचे पुन्हा अधोरेखित झाले.