UPSC Results: चार वेळा अपयश, जिद्द सोडली नाही, सालगड्याच्या पोराने UPSC क्रॅक केलीच!

संपूर्ण देशभरातील यूपीएससी परीक्षेचा निकाल काल जाहीर झाला. जालन्यातील एका सालगड्याच्या मुलानं यूपीएससी परीक्षा क्रॅक करीत यश मिळवलं आहे.

जालन्यातील जळगाव सपकाळ येथील भिकन रोजेकर असं यूपीएससी उत्तीर्ण झालेल्या विद्यार्थ्याचं नाव आहे.

भिकनचे वडील जगन रोजेकर हे सालगडी म्हणून काम करतात तर आई बेबीताई या मोलमजुरी करतात.

भिकनने याआधी 4 वेळा यूपीएससी परीक्षा दिली मात्र यश मिळालं नाही. अखेर पाचव्या प्रयत्नात त्याने देशातून 812 वा रँक मिळवत यशाला गवसणी घातली.

दरम्यान भिकने यूपीएससी परीक्षा उत्तीर्ण केल्यानं त्याचं अवघ्या जिल्ह्यातून कौतुक होत असून त्याचा जळगाव सपकाळवासियांच्या वतीने सत्कार करण्यात आलाय.