TRENDING:
रीना पाटील या जन्मत: दृष्टिहीन असून त्या मूळच्या सांगली जिल्ह्यातील आहेत. गेल्या अनेक वर्षांपासून त्या पुण्यात वास्तव्यास आहेत. त्यांनी इंग्रजी विषयात पदवी शिक्षण पूर्ण केले असून मागील 11 वर्षांपासून त्या बँक ऑफ बडोदा या बँकेत नोकरी करत आहेत. बँकेत नोकरी करताना सुरुवातीला त्यांना अनेक अडचणींचा सामना करावा लागला. मात्र इतरांप्रमाणे काम करता यावे यासाठी त्यांनी विविध आधुनिक टेक्नॉलॉजी शिकून घेतल्या.
advertisement
अंधांना समजतील अडथळे, विद्यार्थ्यांने बनवली स्मार्ट स्टिक अन् खास गॉगल
मराठी, हिंदी आणि इंग्रजी या तीनही भाषांवर त्यांचे चांगले प्रभुत्व आहे. नोकरीसोबतच त्या सामाजिक कामातही सक्रिय असतात. शासनाच्या विविध योजना लोकांपर्यंत पोहोचवणे तसेच गरजू विद्यार्थ्यांना शिक्षणासाठी मदत करणे असे अनेक सामाजिक कामे त्या करतात. त्यांच्या या कार्यासाठी त्यांना अनेक पुरस्कारांनी देखील सन्मानित करण्यात आले आहे.
स्त्रियांनी ठरवलं तर त्या काहीही करू शकतात. त्यामुळे प्रत्येक महिलेनं स्वतःच्या पायावर उभं राहणं महत्त्वाचं आहे. त्यासाठी महिलांनी घराबाहेर पडून काम करणं गरजेचं आहे, असे रीना पाटील यांनी सांगितले. रीना या दृष्टिहीन असूनही त्यावर मात करत स्वतःच्या पायावर उभ्या आहेत. त्यांनी केवळ भारतातच नव्हे तर अमेरिका आणि कुवेतसारख्या देशांनाही भेट दिली आहे.