Train Fire: मुंबईहून गुजरातला जाणाऱ्या वलसाड एक्सप्रेसमध्ये अग्नितांडव, प्रवाशांची धावपळ

पश्चिम रेल्वेच्या पालघरजवळील वलसाड एक्स्प्रेसच्या इंजिनला आग लागल्याची माहिती आहे. मुंबईहून गुजरातकडे जाणाऱ्या एक्स्प्रेसला लागली.

या आगीमुळे पश्चिम रेल्वे मार्गावरील वाहतूक विस्कळीत झालीय. आग लागलेलं वलसाड एक्स्प्रेसचं इंजिन वेगळं करण्यात आलंय.

केळवे रेल्वे स्थानकाजवळ इंजिनला आग लागल्याची माहिती आहे. सुदैवानं मोठा अनर्थ टळला मात्र प्रवाशांमध्ये भीतीचं वातावरण आहे.

या आगीमुळे पश्चिम रेल्वेच्या डाऊन लाईनवरील लांबपल्ल्याच्या वाहतुकीवर परिणाम झाला आहे.

मुंबईहून गुजरातकडे निघालेल्या वलसाड एक्सप्रेसच्या इंजिनला साधारण आठ वाजताच्या सुमारास आग लागली असून आगीचं कारण अजूनही अस्पष्ट आहे

या आगीमुळे पश्चिम रेल्वेची डहाणूपर्यंत धावणारी उपनगरीय रेल्वे सेवासह लांब पल्यांच्या गाड्या प्रभावित झाल्याच पाहायला मिळतंय.

दरम्यान आता हे इंजिन गाडी पासून वेगळं करण्यात आलं असून गुजरातकडे जाणाऱ्या लांब पल्ल्याच्या गाड्या वसई विरार सह काही रेल्वे स्थानकांवर रोखून धरण्यात आल्याची माहिती समोर आली आहे .