Operation Sindoor : दहशतवाद्यांना नेम धरून गाडलं, इमारतीही कोसळल्या, मिसाईल हल्ल्यानंतरचे मुझफ्फराबादचे Photo

[caption id="attachment_1390300" align="alignnone" width="720"] पाकव्याप्त काश्मीरमधल्या या दहशतवादी हल्ल्यानंतरचे पहिले फोटो समोर आले आहेत. या फोटोंमध्ये मिसाईल डागल्यामुळे इमारतींचं मोठं नुकसान झाल्याचं दिसत आहे. समोर आलेले हे फोटो मुझफ्फराबादमधले आहेत.</dd> <dd>[/caption]

भारतीय सैन्याने पाकिस्तानच्या मुजफ्फराबाद, मुरीदके आणि कोटलीमध्ये घुसून दहशतवाद्यांच्या तळांवर क्षेपणास्त्रांचा वर्षाव केला, यामध्ये 12 दहशतवाद्यांचा मृत्यू झाला आहे, तर 55 दहशतवादी जखमी झाले आहेत.

मुजफ्फराबाद, कोटली आणि मुरीदके ही ठिकाणे पाकिस्तानच्या ताब्यात असलेल्या काश्मीर (पीओके) आणि पंजाब प्रांतात आहेत. हे क्षेत्र लश्कर-ए-तैयबा, जैश-ए-मोहम्मद आणि हिजबुल मुजाहिदीन (एचएम) च्या प्रशिक्षण तळांसाठी कुप्रसिद्ध आहेत.

भारतीय लष्कराने ‘ऑपरेशन सिंदूर’ चालवत बहावलपूरमधील मसूद अझहरच्या ठिकाणांनाही उद्ध्वस्त केले आहे. मुजफ्फराबाद ही पाकिस्तानच्या ताब्यात असलेल्या काश्मीरची राजधानी आहे. हे क्षेत्र दहशतवादी कारवायांचे प्रमुख केंद्र राहिले आहे.

मुजफ्फराबाद येथे लष्कर-ए-तैयबा आणि हिजबुल मुजाहिदीनचे प्रशिक्षण तळ आहेत. 2008 च्या मुंबई हल्ल्याचा एक सूत्रधार अबू जुंदालने खुलासा केला होता की मुजफ्फराबादमधील लष्कर-ए-तैयबाच्या शिबिरांमध्ये पॅराग्लायडिंगसह विविध प्रशिक्षण दिले जातात. 2019 मध्ये इंडियन एअरफोर्सने मुजफ्फराबादमधील दहशतवादी तळांवर बॉम्बफेक केली होती.

भारताने हल्ला केलेल्या 9 ठिकाणांमध्ये कोटली टेरर कॅम्पचाही समावेश आहे. कोटली हेदेखील पाकव्याप्त काश्मीरमध्ये आहे. पाकिस्तानी सैन्याने कोटली क्षेत्रात दहशतवादी प्रशिक्षण शिबिरे स्थापन केली आहेत. जिथे स्थानिक लोकांना शस्त्रास्त्रांचा वापर आणि घुसखोरीच्या तंत्रांचे प्रशिक्षण दिले जाते. त्यानंतर त्यांना भारतात पाठवले जाते. कोटली क्षेत्रातील सक्रिय टेरर कॅम्पमध्ये सेंसा, गुलपूर, फागोश आणि डुबगी यांचा समावेश आहे. याच ठिकाणांहून दहशतवादी भारतात घुसखोरी करतात.

मुरिदके पाकिस्तानच्या पंजाब प्रांतात लाहोरजवळ स्थित आहे आणि येथे लश्कर-ए-तैयबाचे मुख्यालय आहे. मरकज-ए-तैयबा, लश्कर-ए-तैयबाचे मुख्य प्रशिक्षण केंद्र मुरिदकेमध्ये आहे. हे केंद्र 200 एकरात पसरलेले आहे आणि त्यात मदरसा, रुग्णालय, बाजार, निवासी क्षेत्र, मत्स्यपालन आणि कृषी जमिनीचा समावेश आहे.