सुषमा अंधारे यांचं हेलिकॉप्टर क्रॅश, घटना FB लाइव्हमध्ये कैद; घटनास्थळावरचे PHOTO आले समोर

शिवसेना उद्धव बाळासाहेब ठाकरे गटाच्या नेत्या सुषमा अंधारे यांच्या हेलिकॉप्टरचा अपघात झाल्याची माहिती समोर येत आहे. सुदैवाने सुषमा अंधारे हेलिकॉप्टरमध्ये बसण्याआधी हा अपघात झाल्यानं त्या सुखरूप आहेत.

हेलिकॉप्टर क्रॅश कशामुळे झालं याचं कारण समोर आलं नाहीय. दुर्घटनेत कोणतीही जिवीत हानी झालेली नाही. दोन्ही पायलट सुखरुप आहेत.

सुषमा अंधारे हेलिकॉप्टरमध्ये बसण्याआधी हेलिकॉप्टर क्रॅश झाले. त्या महाडमधून बारामतीला जाणार होत्या. त्याआधीच हेलिकॉप्टर क्रॅश झालं.

हेलिकॉप्टर सुषमा अंधारे यांच्यासमोरच क्रॅश झालं. हेलिकॉप्टरचे तुकडे झाले आहेत. या हेलिकॉप्टरमधून पायलटला सुखरुप बाहेर काढण्यात आलं.

हेलिकॉप्टर क्रॅशनंतर सुषमा अंधारे यांनी आपण सुखरुप असल्याचं सांगितलं. माझ्यासह कॅप्टन आणि असिस्टंट आणि माझा लहान भाऊ विशाल गुप्ते आम्ही सगळे सुखरूप आहोत चिंता नसावी असं त्यांनी म्हटलं.