चारधाम यात्रेत सर्व रेकॉर्ड मोडले! केदारनाथ मंदिरात 36 हजार भाविकांनी दर्शन घेतलं, PHOTOS

पहिल्याच दिवशी चारधाम यात्रेतील भाविकांमध्ये प्रचंड प्रसन्न आणि उत्साहाचं वातावरण होतं. मागील वर्षी केदारनाथ यात्रेत 19 लाखांहून अधिक भाविक दाखल झाले होते.

विशेष म्हणजे अक्षय्य तृतीयेच्याच दिवशी उत्तराखंडचं वातावरण अचानक बदललं. यमुनोत्री आणि बद्रिनाथ धाममध्ये जोरदार पाऊस झाला. पर्वतीय भागात पावसासह बर्फवृष्टीही झाल्यामुळे वातावरण प्रचंड थंड झालं होतं. इतकंच नाही तर इथं आणखी पावसाची शक्यताही वर्तविण्यात आली. केदारनाथचं तापमान 0 ते 2 अंश सेल्सियसदरम्यान होतं. रात्री तर ते शून्याच्याही खाली गेलं. परंतु भाविक उबदार कपडे घेऊन पूर्ण तयारीनिशी आले असल्याने ही थंडी त्यांना सहन झाली.

मागील वर्षी केदारनाथ मंदिराचे दरवाजे उघताच पहिल्या दिवशी 21 हजार भाविकांनी दर्शन घेतलं होतं. हा आकडा यंदा 36 हजारांपार गेला. भाविकांची ही संख्या रेकॉर्डब्रेक आहे. 

यंदा केदारनाथ धाममध्ये आस्था मार्गही तयार करण्यात आलाय, जेणेकरून दर्शनासाठी भाविकांना कोणतीही अडचण सोसावी लागू नये. 

सध्या बदलतं वातावरण हीच चारधाम यात्रेतील मोठी अडचण आहे. परंतु त्यातही <a href="https://news18marathi.com/photogallery/religion/rare-coincidence-has-formed-between-3-planets-which-will-be-beneficial-for-3-zodiac-signs-l18w-mhij-1179845.html">भाविकां</a>मध्ये अत्यंत <a href="https://news18marathi.com/religion/lakshmi-comes-home-is-there-a-specific-auspicious-time-for-goddess-to-enter-the-house-gh-mhrp-1178062.html">प्रसन्न</a> वातावरण आहे हे <a href="https://news18marathi.com/photogallery/religion/shani-has-made-an-amazing-coincidence-the-whole-year-is-lucky-for-4-zodiac-signs-l18w-mhij-1179743.html">विशेष</a>. आता बद्रिनाथ मंदिराचे दरवाजे 12 मे रोजी उघडतील.