रत्न खरेदी करताना होऊ शकते फसवणूक; अशी घ्या काळजी

ज्योतिषशास्त्रात रत्नांना खूप महत्व आहे. या महागड्या रत्नांमध्ये ग्रह आणि नक्षत्रांचा प्रभाव कंट्रोल करण्याची क्षमता असते असं सांगितलं जातं. पण या रत्नांच्या शुद्धतेबाबत अनेकांना खरी माहिती नसते. त्यामुळे रत्न खरेदी करताना फसवणूक देखील होऊ शकते. त्यामुळे रत्न खरे की खोटे हे ओळखायचं याबद्दलच <a href="https://news18marathi.com/maharashtra/wardha/">वर्ध्यातील</a> ज्योतिषाचार्या अरुणा कोटेवार यांनी माहिती दिली आहे .

खरं रत्न कसं ओळखालं? असली माणिक वर कमळाची कळी ठेवली तर ती थोड्याच वेळात उमलायला लागते. काचेच्या बरणीत ठेवल्यास त्याचा रंग लालसर दिसतो.हिरा पाण्यात ठेवला तर त्याचे किरण दिसतात. गरम दुधावर हिरा टाकला तर दूध थंड होते. रात्रीच्या अंधारातही हिरा चमकतो.

नीलमला काचेच्या भांड्यात पाण्यात ठेवले तर पाण्यावर निळी किरण दिसते. दुधात टाकलं तर निळा रंग दिसतो. गोमेद हा राहू रत्न आहे असली गोमेदमध्ये बुडबुडे दिसतात 24 तास त्याला गोमूत्रात ठेवलं तर गोमूत्राचा रंग बदलू लागतो.

लहसुनिया हा केतूचा रत्न आहे. असलेले सोनियाला गोठ्यावर घासला तरी तो तुटत नाही आणि अंधारातही तो स्पष्ट दिसू लागतो. तो खरा या लहसुनिया समजावा. खऱ्या फुखराजला पांढऱ्या कपड्यात बांधून उन्हात ठेवलं तर पिवळ्या कलरचे छटा दिसायला लागतात या सोबतच दुधात पुखराज ठेवला तर रंग बदलणार नाही.

असली पन्ना यावर हळद टाकली तर त्याचा रंग लाल होतो. सोबतच ज्याने रत्न परिधान केला आहे त्याच्यावर संकटे आल्यावर पन्ना रंग बदलतो. इतकेच नाही तर काचेच्या भांड्यात पाण्यात पन्ना टाकला तर हिरव्या रंगाचा दिसतो.असली मुंगा काचावर घासल्यावर त्याचा आवाज येत नाही. जर मुंगावर टाकले तर फेस बनू लागतो.

खऱ्या मोतीला तर्जनीत पकडल्यानंतर थोड्या वेळातच तो गरम होतो. पाण्यात खरा मोती टाकला तर त्याचे किरणे दिसतात. तर कुठलाही रत्न खरेदी करताना त्याची पारख करणे अत्यंत महत्त्वाचं आहे. जेणेकरून तुम्ही तुमची फसवणूक होण्यापासून वाचू शकाल, असं अरुणा कोटेवार यांनी सांगितलं.