चुकूनही 'या' 5 जागांवर ठेवू नका तुळस, एका चुकीमुळे घरातून कायमचं निघून जाईल ऐश्वर्य!

हिंदू धर्मात तुळशीला केवळ एक वनस्पती नाही, तर साक्षात 'लक्ष्मी'चे रूप मानले जाते. ज्या घरात हिरवीगार तुळस असते, तिथे सुख, समृद्धी आणि सकारात्मक ऊर्जा राहते.

मात्र, वास्तुशास्त्रानुसार तुळशीचे रोप ठेवण्यासाठी काही विशिष्ट नियम आहेत. जर तुम्ही चुकीच्या ठिकाणी तुळस ठेवली, तर त्याचे सकारात्मक फळ मिळण्याऐवजी घरात वास्तुदोष निर्माण होऊन आर्थिक चणचण आणि कौटुंबिक कलह सुरू होऊ शकतात.

दक्षिण दिशा: वास्तुशास्त्रानुसार दक्षिण दिशा ही पितरांची आणि यमराजाची मानली जाते. या दिशेला तुळस ठेवणे अत्यंत अशुभ आहे. दक्षिण दिशेला तुळस लावल्याने घरात सुख-शांती राहत नाही आणि व्यक्तीला वारंवार आर्थिक संकटांचा सामना करावा लागतो.

अंधारी किंवा कोंदट जागा: तुळशीला 'सूर्यप्रिया' म्हटले जाते. ज्या ठिकाणी सूर्यप्रकाश पोहोचत नाही किंवा जिथे खूप अंधार असतो, अशा जागी तुळस ठेवू नका. सूर्यप्रकाशाविना तुळस सुकू लागते आणि सुकलेली तुळस घरात नकारात्मकता व गरिबी घेऊन येते.

स्वयंपाकघर: अनेक लोक सोयीसाठी किचनच्या खिडकीत तुळस ठेवतात. मात्र, स्वयंपाकघर हे अग्नीचे स्थान आहे आणि तुळस ही जल तत्त्वाशी संबंधित आहे. अग्नी आणि पाण्याचा संयोग वास्तुदोष निर्माण करतो, ज्यामुळे घरातील सदस्यांचे आरोग्य बिघडू शकते आणि विनाकारण खर्च वाढतो.

बेडरूम: बेडरूममध्ये तुळशीचे रोप कधीही ठेवू नये. बेडरूम ही वैयक्तिक आणि आरामाची जागा आहे, तर तुळस ही पवित्र आणि पूजनीय आहे. तिथे तुळस ठेवल्याने पती-पत्नीमधील संबंधांवर नकारात्मक परिणाम होतो आणि मनाची एकाग्रता कमी होते.

बाथरूम किंवा कचऱ्याजवळ: बाथरूम, टॉयलेट किंवा जिथे घरातील कचरा टाकला जातो, अशा अशुद्ध ठिकाणांजवळ तुळस ठेवणे महापाप मानले जाते. यामुळे देवी लक्ष्मी नाराज होते आणि घरातून ऐश्वर्य निघून जाते. तुळशीच्या आजूबाजूला नेहमी स्वच्छता असणे अनिवार्य आहे. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)