T20 World Cup आधी इशान किशनला ICC ने दिलं मोठं गिफ्ट, तर तिलक वर्माला दिला 'जोर का झटका'

न्यूझीलंडविरुद्धच्या टी-ट्वेंटी मालिकेत शतक ठोकून धमाकेदार कामगिरी करणाऱ्या ईशान किशनची दखल आयसीसीने घेतली आहे. गंभीरला किंमत नव्हती पण आयसीसीने टायमिंग साधलंय.

इशानच्या पुनरागमनामुळे टीम इंडियाची बॅटिंग लाईनअप अधिक मजबूत झाली आहे. या खेळाडूंच्या फॉर्ममुळे भारतीय टीम सध्या प्रचंड आत्मविश्वासात असून आगामी वर्ल्ड कपमध्ये भारताचे पारडे जड मानले जात आहे.

तर न्यूझीलंडविरुद्ध शतक ठोकणाऱ्या ईशान किशन याला आयसीसीने मोठं गिफ्ट दिलंय. ईशान किशनच्या आयसीसीच्या रँकिंगमध्ये तब्बल 32 रँकने वाढ झाली असून तो आता 32 व्या पोझिशनवर आहे.

भारताचा स्फोटक सलामीवीर अभिषेक शर्मा याने आपले अव्वल स्थान कायम राखले असून, रेटिंगमध्ये थोडी घसरण होऊनही तो जगातील नंबर वन फलंदाज ठरला आहे.

दुसरीकडे, भारताचा युवा फलंदाज तिलक वर्मा याला मात्र फटका बसला आहे. गेल्या अनेक काळापासून तिसऱ्या क्रमांकावर असलेला तिलक आता चौथ्या क्रमांकावर घसरला आहे.

तसेच शिवम दुबे याची रँकिंग देखील 17 अंकाने वधारली आहे. तो आता 43 व्या स्थानी पोहोचलाय. तर संजू सॅमसनच्या रँकिंगमध्ये 5 स्थानाची घसरण झालीये.

दरम्यान, बॉलिंगमध्ये जसप्रीत बुमराहची रँकिंग दोन अंकानी खाली गेली असून बॉ़लिंगमध्ये अव्वल स्थानी टीम इंडिया वरुण चक्रवर्ती आहे.