IND vs NAM : सूर्या टॉसला आला पण वाईट बातमी देऊन गेला, पाकिस्तान विरूद्ध सामन्यात 'मॅचविनर' आऊट!

दिल्लीच्या अरूण जेटली स्टेडिअमवर भारत आणि नामिबिया यांच्यातील सामन्याला सूरूवात झाली आहे.

या सामन्याचा टॉस नामिबियाच्या कर्णधाराने जिंकून गोलंदाजीचा निर्णय घेतला होता. त्यामुळे टीम इंडिया प्रथम फलंदाजीला उतरणार आहे.

टॉस दरम्यान सूर्यकुमार यादवने टीम इंडियाच्या प्लेइंग इलेव्हन बद्दल माहिती दिली. यामध्ये अभिषेक शर्माच्या जागी संजू सॅमसन खेळेल आणि मोहम्मद सिराजच्या जागी बुमराह खेळेल अशी माहिती दिली आहे.

या दरम्यान सूर्यकुमार यादवला अभिषेक शर्माच्या प्रकृती आणि रिकव्हरी बाबत विचारले असता त्याने धक्कादायक माहिती दिली.

अभिषेक शर्माला अजून बरं वाटत नाही आहे.त्यामुळे तो आणखीण एक किंवा दोन सामन्याला मुकणार आहे,अशी माहिती सूर्यकुमार यादवने दिली आहे.

जरं खरंच असं झालं तर अभिषेक शर्मा तीन दिवसांवर असलेल्या पाकिस्तानविरूद्ध सामन्याला मुकण्याची शक्यता आहे, असे जर झाल्यास भारताला हा मोठा झटका असणार आहे.

दरम्यान बुधवारी तिलक वर्माने पत्रकार परिषदेत अभिषेक शर्माला डिस्चार्ज दिल्याची माहिती दिली होती.पण त्यानंतर त्याच्या प्रकृतीत सुधारणा झाली नाही आहे. त्यामुळे टीम इंडियासाठी धोक्याची घंटा आहे.