Asia Cup साठी टीम इंडियाच्या 7 खेळाडूंचं स्थान पक्कं, 4 जागांसाठी तगडी फाईट! पाहा संभाव्य स्कॉड

इंग्लंड दौऱ्यानंतर टीम इंडिया आशिया कपसाठी मैदानात उतरणार आहे. येत्या 10 सप्टेंबरपासून याचा श्रीगणेशा होईल. पहिला सामना युएईविरुद्ध खेळवला जाईल.

तर सर्वात रोमांचक सामना 14 सप्टेंबरला पाकिस्तानविरुद्ध खेळवला जाणार आहे. अशातच सर्वजण वाट पाहतात ती टीम इंडियाच्या घोषणेची... टीम इंडियाचे 15 शिलेदार कोण? असा सवाल विचारला जात आहे.

अभिषेक शर्मा, संजू सॅमसन, तिलक वर्मा, सूर्यकुमार यादव, हार्दिक पांड्या, अक्षर पटेल आणि शुभमन गिल या सात खेळाडूंची टीम इंडियाची जागा निश्चित आहे.

तर जसप्रीत बुमराह हा देखील आशिया कप खेळणार असल्याची दाट शक्यता आहे. मात्र, तो तीन दिवसानंतर खेळल्या जाणाऱ्या वेस्ट इंडिजविरुद्धच्या कसोटी सामन्यात नसेल.

त्याचबरोबर जितेश शर्मा आणि ध्रुव जुरैल या दोघांमध्ये दुसऱ्या विकेटकीपरसाठी तगडी फाईट असेल. ऋषभ पंत जखमी असल्याने या दोघांसाठी सुवर्णसंधी आहे.

एवढंच नाही तर अक्षर पटेल आणि शुभमन गिल या दोघांमध्ये व्हाईस कॅप्टन्सीची रेस आहे. अक्षरच्या खांद्यावर व्हाईस कॅप्टन्सीची जबाबदारी सोपवली जाऊ शकते.

दरम्यान, हार्दिक पांड्या फिट असून तो आशिया कपमध्ये खेळण्यास उत्सुक आहे. तर बॉलिंग डिपार्टमेंटमध्ये सध्या असंतोषाचं वातावरण आहे. मोहम्मद शमीला संधी मिळते का? हे देखील पहावं लागेल.