शेवटी कर्माची फळं! WTC Points Table मध्ये भारताला 'जोर का झटका', टीम इंडिया टॉप-5 मधून बाहेर

न्यूझीलंड क्रिकेट टीमने दुसऱ्या कसोटी क्रिकेट मॅचमध्ये वेस्ट इंडीजचा 9 विकेट्सने दारुण पराभव केलाय. या विजयासह न्यूझीलंडने वेस्ट इंडीजविरुद्धच्या मालिकेत 1-0 ने आघाडी घेतली आहे.

न्यूझीलंडने वेस्ट इंडिजविरुद्ध विजय मिळवताच त्यांनी पुन्हा WTC च्या रेसला सुरूवात केली अन् पहिल्याच विजयानंतर टीम इंडियाला धक्का दिलाय. न्यूझीलंडने थेट चौथ्या स्थानी झेप घेतलीये.

न्यूझीलंडच्या या महत्त्वपूर्ण विजयामुळे भारतीय टीमला WTC पाईंटस टेबलमध्ये एका स्थानाचा फटका बसला आहे. भारत 5 व्या स्थानावरून घसरून 6 व्या नंबरवर पोहोचला आहे.

टीम इंडियाने या WTC सायकलमध्ये आतापर्यंत एकूण 9 मॅच खेळल्या आहेत, ज्यात 4 विजय आणि 4 पराभव आहेत. भारतची विजयाची टक्केवारी 48.15 टक्के आहे. साऊथ अफ्रिकाविरुद्ध मालिका गमावल्याने टीम इंडियाचा कर्माची फळं भोगावी लागत आहे.

गुणतालिकेत पाकिस्तानची क्रिकेट टीम देखील भारतीय टीमपेक्षा पुढं आहे. पाकिस्तानने आत्ताच्या WTC मध्ये एकूण 2 मॅच खेळले असून, त्यात 1 विजय आणि 1 पराभव आहे. पाकिस्तान गुणतालिकेत पाचव्या नंबरवर आहे.