Delhi vs Gujarat : आंतरराष्ट्रीय क्रिकेटमध्ये कधी घडत नाही, पण विजय हजारे ट्रॉफीमध्ये Virat Kohli सोबत आक्रित घडलं, पाहा काय?

न्यूझीलंडविरुद्धच्या तीन सामन्यांच्या एकदिवसीय मालिकेपूर्वी विराट कोहली उत्कृष्ट फॉर्ममध्ये आहे. विजय हजारे ट्रॉफीमध्ये विराट आपला जलवा दाखवतोय. दिल्लीकडून खेळताना त्याने आज पुन्हा अर्धशतक ठोकलं.

विजय हजारे ट्रॉफीमध्ये गुजरातविरुद्ध विराट कोहलीने फक्त 29 बॉलमध्ये अर्धशतक पूर्ण केलं, विराटने 61 बॉलमध्ये एक सिक्स आणि 13 फोरसह 77 धावा केल्या. विराटने लिस्ट ए क्रिकेटमधील 85 वी फिफ्टी मारली.

या सामन्यात विशाल जयस्वालच्या बॉलवर आऊट झाल्याने कोहली शतकापासून वंचित राहिला. पण यावेळी विराटसोबत असं काहीतरी घडलं जे क्वचितच पहायला मिळतं.

विराट कोहली उर्विल पटेलच्या बॉलवर स्टंपिंग झाला. बॉल मारण्यासाठी विराट कोहली पुढं गेल्याने उर्विल पटेलने स्टंप्स उडवले अन् कोहलीला मैदान सोडावं लागलं. विराट कोहलीसारख्या प्लेयरसाठी ही चकित करणारी घटना होती.

दरम्यान, विराट कोहली लिस्ट ए क्रिकेटमध्ये भारताचा सर्वाधिक धावा करणारा फलंदाज बनला. कोहलीने आता 343 लिस्ट ए सामन्यांमध्ये 57.60 च्या सरासरीने 16,130 धावा केल्या आहेत, आणि चेतेश्वर पुजाराला मागे टाकलं आहे.