WPL 2026 : 19 वी ओव्हर, 2 बॉलमध्ये 3 चुका, मुंबई इंडियन्सने हातातली मॅच कशी गमावली?

वुमेन्स प्रिमियर लीगच्या पहिल्याच सामन्यात स्मृती मानधनाच्या नेतृत्वातील आरसीबी संघाने मुंबई इंडियन्सचा तीन विकेटने पराभव केला आहे.

नदीने डी क्लर्क हीने 63 धावांची वादळी खेळी करून आरसीबीच्या विजयात मोलाची भूमिका बजावली होती. विशेष म्हणजे तिने गोलंदातही 4 विकेट पटकावल्या होत्या.

हा सामना मुंबई सहज जिंकू शकली असती पण 19 व्या ओव्हरमध्ये केलेल्या तीन चुका मुंबईला महागात पडल्या.

मुंबईने दिलेल्या 154 धावांच्या लक्ष्याचा पाठलाग करताना आरसीबीने चांगली सूरूवात केली होती. पण नंतर पटापट विकेट पडले. शेवटी नदीने डे क्लर्क मैदानावर होती. तिने एकटी आरसीबीकडून लढत होती.

मुंबईकडून 19 वी ओव्हर शबनीम ईस्माईल टाकायला आली होती. तिच्या ओव्हरच्या पहिल्याच बॉलवर नदीने डे क्लर्क कॅच आऊट झाली असती. नॅट सिव्हर ब्रंटने कॅच ड्रॉप केला.

त्यानंतर याच ओव्हरच्या चोथ्या बॉलवर डे क्लर्क सिक्स मारताना कॅच आऊट झाली असती पण अमेलिया केरने कॅच ड्रॉप केला. पण कॅच ड्रॉप झाल्यानंतर अमनज्योतने विकेटकिपरच्या दिशेने वेगाने थ्रो केला. त्यामुळे मुंबईकडे रन आऊटचा चान्स होता. पण कमलिनीने रनआऊट मिस केला. त्यामुळे मुंबईला या तीन चुका महागात पडल्या.

मुंबईने प्रथम फलंदाजी करताना 20 ओव्हरमध्ये 6 विकेट गमावून 154 धावा केल्या होत्या. मुंबईकडून सजीवन सजनाने 45 तर निकोला कॅरेने 40 धावांची सर्वाधिक खेळी केली होती.

रॉयल चँलेंजर्स बंगळुरूकडून नादीने डी क्लर्कने प्रत्येकी 4 तर श्रेयांका पाटील आणि लॉरेन बेलने प्रत्येकी 1 विकेट काढली होती. तसेच बेलने 4 ओव्हरमध्ये फक्त 14 धावा दिल्या होत्या.