Team India : वैभव-आयुषची बॅटिंग पाहिलीत, पण भारताला वर्ल्ड चॅम्पियन बनवणारे 9 हिरो कोण?

फायनलमध्ये वैभव सूर्यवंशीने 80 बॉलमध्ये 175 रनची ऐतिहासिक खेळी केली, त्यामुळे भारताने 411 रनपर्यंत मजल मारली. वैभवने त्याच्या या खेळीमध्ये 15 फोर आणि 15 सिक्स मारले.

वैभवशिवाय कर्णधार आयुष म्हात्रेने 53 रनचं योगदान दिलं. आयुषने त्याआधी सेमी फायनलमध्ये अफगाणिस्तानविरुद्धही अर्धशतक केलं होतं, तसंच आयुषने स्पर्धेत मोक्याच्या क्षणी विकेटही घेतल्या.

टीम इंडियाचा ओपनर एरॉन जॉर्जने सेमी फायनलमध्ये 104 बॉलमध्ये 115 रन केले, ज्यामुळे भारताने फायनलमध्ये दणक्यात एन्ट्री केली. एरॉन जॉर्ज मनगटाच्या दुखापतीमुळे दोन मॅच खेळू शकला नाही.

तिसऱ्या क्रमांकावर बॅटिंगला येणाऱ्या वेदांत त्रिवेदीने फायनलमध्ये 32 रनची खेळी केली, पण पाकिस्तानविरुद्धच्या करो या मरो च्या सामन्यात वेदांतने 62 रनची खेळी करून भारताला अडचणीतून बाहेर काढलं.

विहान मल्होत्रा हा अंडर-19 वर्ल्ड कपमध्ये भारताचा उपकर्णधार होता. झिम्बाब्वेविरुद्धच्या सामन्यात विहानने शतकी खेळी केली, तर बांगलादेशविरुद्धच्या सामन्यात त्याने 4 विकेट घेतल्या होत्या. फायनलमध्ये विहानने 30 रन केले.

मुंबईच्या अभिज्ञान कुंडूने वर्ल्ड कपमध्ये 59.75 च्या सरासरीने 239 रन केल्या. बांगलादेशविरुद्धच्या कुंडूने 80 रनची आणि फायनलमध्ये इंग्लंडविरुद्ध त्याने 31 बॉलमध्ये 40 रन केले.

ऑलराऊंडर असलेल्या आरएस अंबरिशने इंग्लंडविरुद्धच्या फायनलमध्ये 3 विकेट घेतल्या तर न्यूझीलंडविरुद्धच्या सामन्यात त्याने 4 विकेट मिळवून भारताला विजय मिळवून दिला.

ऑलराऊंडर असलेला कनिष्क चौहान पाकिस्तानविरुद्धच्या सामन्यात प्लेअर ऑफ द मॅच होता. कनिष्कने पाकिस्तानविरुद्ध 29 बॉलमध्ये 35 आणि 10 ओव्हरमध्ये 30 रन देऊन 1 विकेट घेतली. फायनलमध्ये कनिष्कने 20 बॉलमध्ये नाबाद 37 रन केले आणि 2 विकेटही मिळवल्या.

डावखुरा स्पिनर असलेल्या खिलन पटेलने फायनलमध्ये 1 विकेट घेतली. तर पाकिस्तानविरुद्ध खिलनने 35 रन देऊन 3 विकेट मिळवल्या.

फास्ट बॉलर असलेल्या हेनिल पटेलने युएसएविरुद्ध 5 विकेट घेतल्या होत्या. याशिवाय पटेलने पाकिस्तानविरुद्धच्या सामन्यात भारताला मोक्याच्या क्षणी विकेट मिळवून दिली. फायनलमध्ये खिलन पटेलला एक विकेट घेण्यात यश आलं.

फास्ट बॉलर असलेल्या दीपेश देवेंद्रनने फायनलमध्ये 2 विकेट घेतल्या. दीपेश देवेंद्रनकडे टीम इंडियाचा भविष्यातला फास्ट बॉलर म्हणून पाहिलं जात आहे.