Sunita Williams : चेहऱ्यावर हसू फुललं, पण हातपाय हलेना; पृथ्वीवर उतरताच कशी होती सुनीता विलियम्सची रिअ‍ॅक्शन? पाहा Photos

गेल्या 9 महिन्यांपासून ज्याची सर्वांना प्रतिक्षा होती, तो क्षण अखेर आला आहे. भारतीय वंशाची नासाची अंतराळवीर सुनीता विल्यम्स पृथ्वीवर परतल्या आहेत.

अमेरिकेचे अंतराळवीर बुच विल्मोर देखील त्यांच्यासोबत परतले आहे. नासा आणि स्पेस एक्सच्या मोहिमेला यशस्वी समारोप झाला आहे.

सुनीता विलियम्स आणि बुच विल्मोर फ्लोरिडाच्या किनाऱ्यावर यशस्वीरित्या उतरले. स्पेसएक्स क्रू-९ दोन्ही अंतराळवीरांसह पृथ्वीवर परतले.

अंतराळ स्थानकावरून पृथ्वीवर परतण्याचा प्रवास 17 तासांचा होता. त्यामुळे सर्वांच्या मनात धाकधूक निर्माण झाली होती. पण विलियम्स यांचं बुलेट कॅपसुल यशस्वीरित्या माघारी आलं.

बुलेट कॅप्सुलमधून बाहेर येताच सुनीता विलियम्स यांच्या चेहऱ्यावर हसू फुललं. अमेरिकन नेव्हीला पाहून त्यांच्या चेहऱ्यावरचा आनंद गगनात मावेना झाला होता.

कॅमेऱ्यासमोर त्यांनी प्रेक्षकांना अभिवादन केलं. पण सुनीता विलियम्स यांचे हातपाय हालत नव्हते. त्यामुळे त्यांना सुरक्षितरित्या नेण्यात आलं.

अंतराळवीर कॅप्सूलमधून बाहेर आले तेव्हा त्यांना स्ट्रेचरवरून नेण्यात आलं. अंतराळवीरांना आरामात जुळवून घेता यावं म्हणून दीर्घकाळ अंतराळात राहणाऱ्यांसाठी ही एक सामान्य प्रक्रिया असते.

दरम्यान, कॅप्सूलभोवती किमान पाच डॉल्फिन फिरत होते, जणू काही ते त्यांच्या पद्धतीने अंतराळवीरांचे स्वागत करत होते. हा क्षण ऐतिहासिक होता.