व्हायरल झालेली ऑडिओ क्लीप माझीच : तहसीलदार ज्योती देवरे
होय, ती व्हायरल झालेली ऑडिओ क्लीप माझीच आहे, असा खुलासा तहसीलदार ज्योती देवरे यांनी न्यूज 18 लोकमतशी बोलताना केलाय. मला विरोधी पक्षनेते अंबादास दानवे यांच्या नावाने रामटेके यांच्याकडून माझ्याविरोधातील खोट्या लक्षवेधीचा ड्राफ्ट पाठवला गेला. म्हणून थेट फोन करून जाब विचारला त्याची ही ऑडियो क्लिप आहे. यानंतर दानवे यांनी मला याबाबत काहीच माहित नसल्याचंही देवरे म्हणाल्यात.
advertisement
मी कृषी विभागात असतानाही अशाच पद्धतीने औषध फवारणी ठेकेदारांनी मला घेरण्याचा प्रयत्न केला होता. त्यावेळी मी प्रचंड घाबरून गेली होती. तोच प्रयोग पुन्हा माझ्यासोबत पुणे जिल्ह्यातील अवैध खानमाफियाकडून केला जातोय. त्याच खोट्या लक्षवेधीचा ड्राफ्ट मला पाठवून घाबरवण्याचा प्रयत्न होतोय, पण यावेळी मी अजिबात घाबरणार नाही, कर नाही त्याला डर कशाची?
गेल्यावेळचीही लक्षवेधी मागे घेण्यासाठी माझ्याकडे 10 लाख मागितले गेले. म्हणून मी चिडले, आताही पुन्हा तोच प्रकार होत असेल तर मी अजिबात मागे हटणार नाही. या सर्व बोगस LAQ ब्लँकमेलिंग प्रकाराची रितसर चौकशी व्हावी, अशीच आपली मागणी आहे.
वाचा - 'जाऊ द्या चहा घ्या',...आणि अजितदादा, मुख्यमंत्री आणि फडणवीस आले एकाच फ्रेममध्ये
विरोधी पक्षनेते यांच्या कार्यालयातून लक्षवेधी लावल्याबद्दल व्हायरल झालेल्या ऑडियोबद्दल खुलासा
विधानपरिषदेचे विरोधी पक्षनेते अंबादास दानवे यांच्या कार्यालयातील पीए यांच्याकडून लक्षवेधी लावून त्रास देत असल्याबाबत पुणे तहसीलदार यांनी एक ऑडियो क्लिप समाज माध्यमांवर व्हायरल केली आहे. प्रत्यक्षात अशा कोणत्याही प्रकारची लक्षवेधी विरोधी पक्षनेते यांच्या कार्यालयातून तहसीलदार ज्योती देवरे यांना व विधिमंडळ कार्यालयाला पाठविण्यात आली नाही. त्यामुळे तहसीलदार यांनी केलेले आरोप हे विरोधी पक्षनेते व त्यांच्या कार्यालयाला बदनामी करणारे आहेत. त्यामुळे माध्यम प्रतिनिधी मित्रांनी या खुलाशाची दखल घ्यावी.