पुणे विद्यापीठ हादरलं! रूमजवळ जात विद्यार्थिनींसोबत डिलिव्हरी बॉयचं नको ते कृत्य; परदेशी तरुणीच्या 'त्या' आरोपानं खळबळ

नेमकं प्रकरण काय?

मिळालेल्या माहितीनुसार, शुक्रवारी रात्री एक डिलिव्हरी बॉय ऑर्डर देण्यासाठी विद्यार्थिनींच्या खोलीपाशी आला होता. तिथे त्याने अश्लील चाळे करण्यास सुरुवात केली. घाबरलेल्या विद्यार्थिनींनी जेव्हा तक्रार करण्याचा प्रयत्न केला, तेव्हा त्यांना पोलीस चौकीत नेण्याऐवजी काही अधिकाऱ्यांनी ही बाब दडपण्याचा प्रयत्न केला. "तक्रार देऊ नका" असे म्हणत विद्यार्थिनींकडून सक्तीने लेखी लिहून घेतल्याचा आरोप शनिवारी विद्यापीठाच्या अधिसभेत करण्यात आला.

advertisement

प्रेमविवाहानंतर सुखी संसारात तिसरीची एन्ट्री; पत्नीला 'वाऱ्यावर' सोडणं पुण्यातील पोलिसाला भोवलं, थेट गजाआड पोहोचला

आंतरराष्ट्रीय विद्यार्थ्यांसाठी स्वतंत्र सोय असतानाही, काही विद्यार्थिनींना प्राध्यापकांच्या निवासाच्या इमारतीत ठेवण्यात आले आहे. या इमारतीत ना सीसीटीव्ही आहेत, ना पुरेसे सुरक्षा रक्षक. या गंभीर त्रुटींमुळे अधिसभेत सदस्यांनी प्रशासनाला धारेवर धरले. कुलगुरू डॉ. सुरेश गोसावी यांनी या घटनेची दखल घेत दोन दिवसांत सखोल चौकशी करून दोषींवर कठोर कारवाई करण्याचे आश्वासन दिले आहेत. तसेच याप्रकरणी आता पोलिसांत अधिकृत तक्रार दाखल करण्यात येणार आहे.