प्रेमविवाहानंतर सुखी संसारात तिसरीची एन्ट्री; पत्नीला 'वाऱ्यावर' सोडणं पुण्यातील पोलिसाला भोवलं, थेट गजाआड पोहोचला

मिळालेल्या माहितीनुसार, सरिता आणि रमेश (नावे बदललेली) यांचा २०१२ मध्ये प्रेमविवाह झाला होता. त्यानंतर दोन वर्षांनी त्यांना मुलगाही झाला. लग्नानंतर रमेश पोलीस दलात भरती झाला आणि त्यांचा संसार सुखाने सुरू होता. मात्र, सोशल मीडियाच्या माध्यमातून रमेशच्या आयुष्यात दुसरी महिला आली आणि सुखी संसाराला नजर लागली. अनैतिक संबंधांमुळे रमेशने पत्नी आणि मुलाला सोडून दिले. सरिताने वारंवार विनवणी करूनही रमेशने त्याकडे लक्ष दिले नाही.