TRENDING:
मिळालेल्या माहितीनुसार, दुपारी दोनच्या सुमारास एका दुकानात अचानक गॅस सिलिंडरचा मोठा स्फोट झाला. सिलिंडरच्या स्फोटाची तीव्रता इतकी भीषण होती की, काही क्षणातच आगीने रौद्र रूप धारण केले आणि जवळच असलेल्या भंगार बाजाराला आगीने आपल्या कवेत घेतले. आगीच्या भक्ष्यस्थानी भंगार बाजाराच्या जवळ उभी असलेली एक खासगी बसही आली. आगीचे लोट आणि धुराचे लोट दूरवर दिसत असल्यामुळे परिसरात भीतीचे वातावरण पसरले होते. घटनेची माहिती मिळताच पिंपरी- चिंचवड अग्निशमन दलाच्या 8 गाड्या तात्काळ घटनास्थळी दाखल झाल्या. जवानांनी शर्थीचे प्रयत्न करून आगीवर नियंत्रण मिळवण्याचे काम केले. मिळालेल्या माहितीनुसार, ह्या स्फोटामध्ये दोन सिलिंडरचे स्फोट झाल्याची माहिती मिळाली आहे.
advertisement
अग्निशमन दलाच्या अधिकाऱ्यांनी लगेचच आग विझवण्याचे प्रयत्न केल्यामुळे फार मोठा अनर्थ टळला. आगीच्या भक्ष्यस्थानी भंगार बाजाराच्या जवळ उभी असलेली एक खासगी बसही आली होती. खासगी बसला आणि भंगार बाजाराला मोठ्या प्रमाणावर आग लागल्यामुळे आगीचे आणि धुराचे लांबच लांब लोट परिसरात पसरले होते. आग परिसरात फार दुरवर दिसत असल्यामुळे नागरिकांमध्ये भीतीचे वातावरण निर्माण झाले होते. पिंपरी चिंचवड अग्निशमन दलाच्या 8 गाड्या घटनास्थळी दाखल झाल्या होत्या. अग्निशमन दलाच्या कर्मचाऱ्यांनी लगेचच आगीवर नियंत्रण मिळवले असले तरी बससह शेजारील भंगाराचे दुकाने जळून खाक झाले आहे.