TRENDING:
काश्मीरमधील विविध हँडमेड वस्तू पुणेकरांना एकाच छताखाली पाहायला मिळत आहेत. बावधन येथील आठवडी बाजार ग्राउंड, मेघ मल्हार रागा सोसायटीजवळील एलएमडी चौक येथे हे प्रदर्शन भरवण्यात आले आहे. या प्रदर्शनात काश्मीरमधील नामवंत 17 ते 18 कारागिरांनी तयार केलेल्या शाल, गालिचे तसेच विविध पारंपरिक हस्तकला वस्तूंचा समावेश आहे. पारंपरिक काश्मिरी कलेचा अनुभव घेण्यासाठी पुणेकर मोठ्या संख्येने या प्रदर्शनाला भेट देत असून, प्रदर्शनाला उत्स्फूर्त प्रतिसाद मिळत आहे.
advertisement
जेजुरीत भंडाऱ्याऐवजी काठ्यांची उधळण! दुकानदार आणि भाविकांमध्ये तुफान राडा; धक्कादायक घटनेचे PHOTOS
100 रुपयांपासून ते लाखापर्यंत वस्तू
या प्रदर्शनात 100 रुपयांपासून ते 1 लाख रुपयांपर्यंतच्या विविध वस्तू उपलब्ध आहेत. येथे काश्मीरमधील प्रसिद्ध शाली, आकर्षक ज्वेलरी, पारंपरिक आणि डिझायनर ड्रेसेस, तसेच सुंदर घरगुती सजावटीच्या वस्तू पाहायला मिळतात. याशिवाय काश्मिरी साड्या मोठ्या प्रमाणात उपलब्ध असून, त्याचबरोबर इतर राज्यांतील साड्यांचाही समावेश करण्यात आला आहे. यात बंगाली साड्या आणि राजस्थानी पारंपरिक साड्या विशेष आकर्षण ठरत आहेत. विविध किमतींमधील आणि वैविध्यपूर्ण वस्तूंमुळे हे प्रदर्शन नागरिकांचे लक्ष वेधून घेत आहे.