पुण्यात भयानक प्रकार! गाडी हटवण्यास सांगितल्याचा राग; मालकाने 3 'जर्मन शेफर्ड' कुत्री अंगावर सोडली, तरुणासोबत भयंकर घडलं

पुणे: शहरात पाळीव प्राण्यांवरून होणाऱ्या टोकाच्या वादाच्या घटना ताज्या असतानाच, आता आणखी एक अजब आणि धक्कादायक घटना उघडकीस आली आहे. यात वानवडी परिसरात माणुसकीला काळिमा फासणारी घटना घडली आहे. आपल्या जागेसमोर लावलेली गाडी बाजूला घेण्याची विनंती केल्याच्या राग एका व्यक्तीला चांगलाच अनावर झाला. यानंतर या व्यक्तीने चक्क आपली ३ जर्मन शेफर्ड कुत्री बाप-लेकाच्या अंगावर सोडली. या हल्ल्यात तरुणाच्या पायाचा कुत्र्याने गंभीर चावा घेतला असून, याप्रकरणी वानवडी पोलिसांनी कुत्र्याच्या मालकावर गुन्हा दाखल केला आहे.