TRENDING:
नेमकी घटना काय?
परेश हटकर हे बुधवारी घरातून ऑफिसला जाण्यासाठी निघाले होते. मात्र ते कामावर पोहोचलेच नाहीत. दरम्यान, लोणावळ्यातील लायन्स पॉईंट येथे त्यांची कार कालपासून बेवारस उभी असल्याची माहिती पोलिसांना मिळाली. पोलीस पाटील संतोष मरगळे यांनी यासंदर्भात माहिती दिल्यानंतर शोधमोहीम हाती घेण्यात आली.
परेश यांचा मोबाईल फोन लायन्स पॉईंटवरच सापडला होता, मात्र विशेष म्हणजे त्यांचे टॉवर लोकेशन 'पाली' किंवा 'इमॅजिका' परिसरात दाखवत होते. लोणावळ्यातील दरीच्या भौगोलिक परिस्थितीमुळे अनेकदा लोकेशनमध्ये असा तांत्रिक फरक पडतो, हे ओळखून 'शिवदुर्ग बचाव पथकाने' दरीत शोध घेण्याचा निर्णय घेतला.
advertisement
७०० फूट खोल दरीत शोधमोहीम: ज्या ठिकाणी मोबाईल सापडला, त्याच ठिकाणाहून शिवदुर्ग पथकाचे सदस्य रोपच्या साहाय्याने सुमारे ७०० फूट खोल दरीत उतरले. प्रचंड कष्टानंतर बचाव पथकाला परेश यांचा मृतदेह सापडला. श्रुती शिंदे, योगेश उंबरे आणि सचिन गायकवाड यांनी दरीत उतरून मृतदेह सुरक्षितपणे पॅक केला. सुमारे चार तासांच्या अथक परिश्रमानंतर मृतदेह दरीतून बाहेर काढून पोलिसांच्या ताब्यात देण्यात आला.
अपघात की घातपात? : परेश हटकर दरीत पडले कसे? त्यांनी आत्महत्या केली की त्यांच्यासोबत काही घातपात झाला? हे प्रश्न आता उपस्थित होत आहेत. लोणावळा ग्रामीण पोलिसांनी मृतदेह शवविच्छेदनासाठी पाठवला असून, या प्रकरणाचा सखोल तपास सुरू केला आहे.