एका रूपयासाठी पेट्रोल पंपावरील कर्मचाऱ्यांना लोखंडी गजाने मारलं, लोणावळ्यात पर्यटकांकडून मोठा राडा

पेट्रोल पंप कर्मचारी नरेश बाळू गायकवाड यांनी दिलेल्या तक्रारीनुसार, दुपारी साडेतीनच्या सुमारास काही ग्राहकांशी पेट्रोल भरल्यानंतर उरलेल्या अवघ्या एका रुपयावरून वाद झाला. हा वाद इतका विकोपाला गेला की, संबंधित पर्यटकांनी जमाव गोळा केला आणि कर्मचाऱ्यांना लाथाबुक्क्यांनी मारहाण करण्यास सुरुवात केली. संतापलेल्या पर्यटकांनी लोखंडी गजाचा वापर करून कर्मचारी नरेश गायकवाड आणि उमेश मिश्रा यांना गंभीर जखमी केले. इतकंच नाही तर पंपाच्या कार्यालयाच्या काचा फोडून मालमत्तेचे मोठे नुकसान केले.

advertisement

पुण्यात कांड करून तो वाराणसीत पोहोचला; पण ते 50 गुन्हे पाहून पोलीसही हादरले अन्.. अटकेचा सिनेस्टाईल थरार

रायगडच्या ७ पर्यटकांवर गुन्हा दाखल

याप्रकरणी लोणावळा शहर पोलिसांनी पेण-कोळीवाडा (जि. रायगड) येथील अनंत विठ्ठल कोळी, प्रसाद संभाजी कोळी यांच्यासह सात जणांवर आणि इतर पाच अज्ञातांवर गुन्हा दाखल केला आहे. यामध्ये महिलांचाही समावेश असल्याचे समजते.

पोलिस निरीक्षक राजेश रामाघरे यांच्या मार्गदर्शनाखाली पोलिसांनी आरोपींचा शोध सुरू केला आहे. पर्यटकांच्या अशा हिंसक वर्तनामुळे स्थानिक व्यावसायिकांमध्ये संतापाची लाट उसळली असून, पर्यटकांनी संयम राखण्याचे आवाहन पोलिसांनी केले आहे.