पुण्यात कांड करून तो वाराणसीत पोहोचला; पण ते 50 गुन्हे पाहून पोलीसही हादरले अन्.. अटकेचा सिनेस्टाईल थरार

पुण्यातील कर्वेनगर परिसरातील 'द टेरीटरी' या कार्यालयात १५ मार्च रोजी चोरी झाली होती. यात खिडकीचे गज तोडून एका चोरट्याने ६ लाख ७१ हजार रुपयांचे कॅमेरे, महागड्या लेन्स आणि ड्रोन चोरून नेले होते. या घरफोडीनंतर अलंकार पोलिसांनी तपासाची चक्रे फिरवली. सीसीटीव्ही फुटेज आणि तांत्रिक विश्लेषणाच्या आधारे पोलिसांना समजले की, आरोपी दुचाकीवरून पुण्याबाहेर पळाला आहे.

हा चोरटा अत्यंत सराईत असल्याने तो सतत आपली ठिकाणे बदलत होता. तांत्रिक तपासात तो हैदराबाद, चंद्रपूर, नागपूर, जबलपूर मार्गे थेट वाराणसीपर्यंत पोहोचल्याचे उघड झाले. अलंकार पोलिसांनी तातडीने वाराणसी पोलिसांशी संपर्क साधून तिथे सापळा रचला. अखेर महम्मद बशरला ताब्यात घेतले. त्याच्याकडून ६ लाखांचा चोरीचा मुद्देमाल जप्त करण्यात आला आहे. विशेष म्हणजे, हा आरोपी बनावट ओळखपत्रांच्या आधारे वास्तव्य करून गुन्हे करत होता.