बक्कळ पगार अन् मान-सन्मान; तरी त्या एका गोष्टीसाठी सगळं घालवलं, पुण्यातील प्रांताधिकाऱ्याला रंगेहाथ पकडलं

पुणे : शासकीय सेवेतील वरिष्ठ पद, समाजात मान-सन्मान आणि हातात बक्कळ पगार असतानाही केवळ काही पैशांच्या हव्यासापोटी एका मोठ्या अधिकाऱ्याने नको ते केलं. आंबेगाव-जुन्नर विभागाचे उपविभागीय अधिकारी (प्रांताधिकारी) गोविंद शिंदे यांना २ लाख रुपयांची लाच स्वीकारताना लाचलुचपत प्रतिबंधक विभागाने रंगेहाथ पकडलं. शुक्रवारी दुपारी मंचर येथील कार्यालयात त्यांना लाच स्वीकारताना रंगेहाथ पकडण्यात आलं. या धक्कादायक कारवाईमुळे संपूर्ण पुणे जिल्ह्यातील महसूल विभागात खळबळ उडाली आहे.