TRENDING:
नेमकी घटना काय?
आज दुपारी साडे बाराच्या सुमारास शनिवारवाड्याच्या मुख्य प्रवेशद्वाराजवळ अचानक आग लागली. गेटच्या परिसरात मोठ्या प्रमाणात वाळलेली लाकडं आणि पालापाचोळा साठलेला होता. या कचऱ्याने अचानक पेट घेतल्याने आगीने रौद्र रूप धारण केले. पाहता पाहता ही आग ४० ते ५० मीटर अंतरापर्यंत पसरली, ज्यामुळे परिसरात धुराचे लोट पसरले होते.
advertisement
अग्निशमन दलाची तातडीची कारवाई
आगीची माहिती मिळताच पुणे अग्निशमन दलाच्या दोन गाड्या तातडीने घटनास्थळी दाखल झाल्या. जवान आग विझवण्याचा प्रयत्न करत आहेत. ऐतिहासिक वास्तू असलेल्या शनिवारवाड्याजवळ अशाप्रकारे आग लागल्याने प्रशासनाची मोठी धावपळ उडाली होती, मात्र वेळेत मदत पोहोचल्याने मोठा अनर्थ टळला.
आगीचे कारण काय?
आगीचं नेमकं कारण अद्याप समोर आलं नाही. मात्र, सध्या पुण्यात तापमान वाढलेले असून कडाक्याचे ऊन पडत आहे. वाढलेल्या उष्णतेमुळे वाळलेला कचरा आणि लाकडांनी पेट घेतला असावा, असा प्राथमिक अंदाज वर्तवण्यात येत आहे. सध्या आग विझवण्याचं काम सुरू आहे. तसेच आगीच्या कारणाचा शोध घेतला जात आहे.