पुणे पेपरफुटी प्रकरणात नवा ट्विस्ट, टेलिग्रामवरून 600 रुपयांत सौदा; कसा लुटायचा विद्यार्थ्यांना?

समोर आलेल्या माहितीनुसार माहिती अशी की, चैतन्य शेंडे याने टेलिग्रामवर एक ग्रुप तयार केला होता. या ग्रुपमध्ये एकूण 245 विद्यार्थी सामील झाले होते. आगामी गणित विषयाचा पेपर आपल्याकडे असल्याचा दावा करत तो या ग्रुपमधील विद्यार्थ्यांशी संपर्क साधायचा. पेपर देण्यासाठी त्याने प्रत्येकी  600 रुपये अशी किंमत ठेवली होती. विद्यार्थ्यांचा विश्वास संपादन करून तो त्यांच्याकडून ऑनलाईन पद्धतीने पैसे स्वीकारायचा.

advertisement

पैसे मिळताच 'ब्लॉक'चा पवित्रा

चैतन्यची मोडस ऑपरेंडी अत्यंत चलाखीची होती. एखादा विद्यार्थी ६०० रुपये भरून पेपरची मागणी करायचा, तेव्हा त्याला पेपर देण्याऐवजी चैतन्य त्याला ग्रुपमधून आणि वैयक्तिक चॅटवरून तत्काळ ब्लॉक करून टाकायचा. अशा प्रकारे त्याने शेकडो विद्यार्थ्यांची फसवणूक केल्याचे तपासात निष्पन्न झाले आहे. परीक्षेच्या तणावाखाली असलेले विद्यार्थी पेपर मिळवण्याच्या नादात या जाळ्यात अडकले आणि आपली आर्थिक लूट करून बसले.

नर्सिंगचा विद्यार्थी निघाला मास्टरमाईंड

पोलीस तपासात समोर आलेली सर्वात धक्कादायक बाब म्हणजे, आरोपी चैतन्य शेंडे हा स्वतः नर्सिंगच्या पहिल्या वर्षात शिक्षण घेत आहे. वैद्यकीय क्षेत्रात करिअर करू पाहणाऱ्या या विद्यार्थ्याने गुन्हेगारीचा मार्ग का निवडला, याबाबत पोलीस चौकशी करत आहेत. या संपूर्ण रॅकेटमध्ये चैतन्यला आणखी कुणाची मदत लाभली आहे का? तसेच इतर कोणत्याही विषयाचे पेपर त्याने अशा प्रकारे विकले आहेत का? याचा सखोल तपास पुणे पोलिसांकडून केला जात आहे.

पेपर फुटल्याचा दावा खोटा 

पैसे उकळण्यासाठीचा हा प्रकार आहे. पेपर अजिबात फुटलेला नाही प्रतिबंधात्मक कारवाई केली आहे. आम्ही गुन्हा दाखल केलाय, अशी माहिती पुणे पोलिसांनी दिली आहे.

हे ही वाचा :

पोलिसांनी रात्रभर वाट पाहिली; शेवटी पहाटे समोर आली ती पांढरी फॉर्च्युनर, दरवाजा उघडताच खळबळ, पुण्यात काय घडलं?