ही नवीन सुविधा विशेषतः डिजिटल युगात ग्राहकांच्या गरजांना प्रतिसाद देण्यासाठी तयार करण्यात आली आहे. ग्राहक आता घरबसल्या पत्र किंवा पार्सल तयार करून त्याची नोंदणी करू शकतात, पेमेंट पूर्ण करू शकतात आणि नंतर पोस्टमन त्यांचे आयटम घरी येऊन घेऊन जाईल. यामुळे ग्राहकांचा वेळ वाचेल आणि पोस्टल व्यवहार अधिक सुरक्षीत, वेगवान आणि पारदर्शक होतील.
advertisement
ही सेवा 'अॅडव्हान्स पोस्टल टेक्नॉलॉजी 2.0' नावाने सुरू करण्यात आली आहे. केंद्रीय मंत्री ज्योतिरादित्य एम. सिंधियांनी ऑगस्ट 2025 मध्ये या डिजिटल प्रणालीची अधिकृत घोषणा केली. ही प्रणाली संपूर्णपणे स्वदेशी पद्धतीने विकसित करण्यात आली आहे आणि सरकारच्या मेघराज 2.0 क्लाउडवर चालते. यामुळे रजिस्ट्री, स्पीड पोस्टसारख्या सेवांमध्ये आता वेळेची बचत होईल आणि ग्राहकांना अधिक जलद सेवा मिळेल.
नवीन प्रणाली अधिक सुरक्षित व्यवहार सुनिश्चित करते. ओटीपी-आधारित वितरणामुळे प्रत्येक पोस्टल आयटम सुरक्षित पद्धतीने ग्राहकाच्या हातात पोहोचतो. एवढेच नाही तर डिजिटल पेमेंटसाठी क्यूआर कोडचा वापर केल्यामुळे व्यवहार पारदर्शक राहतात आणि कोणत्याही प्रकारचा गैरवापर होण्याची शक्यता कमी होते. या प्रणालीमुळे टपाल सेवेत आधुनिक तंत्रज्ञानाचा समावेश होतो, ज्यामुळे ही सेवा अधिक स्मार्ट आणि ग्राहकाभिमुख बनते.
नवीन प्रणाली वापरण्याची प्रक्रिया खूप सोपी आहे:
नोंदणी करा : पोस्टच्या अधिकृत वेब पोर्टलवर जाऊन तुमचे पत्र किंवा पार्सल नोंदवा.
पेमेंट करा : नोंदणीसाठी ऑनलाइन पेमेंट करा, ज्यामुळे व्यवहार पूर्णपणे डिजिटल आणि सुरक्षित राहतो.
पोस्टमन घरी येतो : नोंदणी आणि पेमेंट पूर्ण झाल्यावर पोस्टमन तुमच्या घरी येऊन तुमचे पत्र किंवा पार्सल घेऊन जातो.
सध्या ही सुविधा निवडक शहरांत उपलब्ध आहे, परंतु भविष्यात ती हळूहळू संपूर्ण देशात विस्तारेल. यामुळे भारतीय टपाल सेवा अधिक आधुनिक, वेगवान आणि ग्राहकाभिमुख बनण्याच्या दिशेने एक मोठा टप्पा गाठत आहे. ग्राहक आता घरबसल्या टपाल व्यवहार करू शकतात, वेळ वाचवू शकतात, आणि पोस्टल सेवेला अधिक सुलभ व सुरक्षित पद्धतीने वापरू शकतात.
या डिजिटल प्रणालीमुळे टपाल सेवा केवळ पारंपरिक पद्धतीने मर्यादित राहणार नाही, तर ती ग्राहकांना स्मार्ट, डिजिटल आणि सुरक्षित सेवा प्रदान करणारी बनली आहे. त्यामुळे आता तुम्ही कोणत्याही पत्र किंवा पार्सलसाठी पोस्ट ऑफिसच्या रांगेत वेळ खर्च करण्याची गरज नाही, फक्त वेब पोर्टलवर नोंदणी आणि पेमेंट करून घरबसल्या तुमचे पोस्टल काम पूर्ण करू शकता.