मिळालेल्या माहितीनुसार शिरूर तालुक्यातील अष्टविनायक महामार्गावर कवठे गावाजवळ ट्रक आणि दूध टॅकरचा अपघात झाल्याची घटना घडली आहे. या घटनेत दूध वाहतूक करणारा टँकर भरधाव वेगाने ट्रकला ओव्हरटेक करण्याचा प्रयत्न करत होता. या दरम्यान दूध टॅकरने ट्रकला पाठीमागून धडक होती. या अपघातात दुध गाडीतून प्रवास करणाऱ्या तिघांचा मृत्यू झाला.
कवठे गावाजवळील कुटुंबातील वर्षश्राद्धाच्या कार्यक्रमासाठी येत असताना बाप लेकासह वयोवृद्ध आजीचा अपघाती दुदैवी मृत्यू झाला आहे. ज्ञानेश्वर वाजे आणि युवांश वाजे अशा या बापलेकाचे नाव आहे. आणि शांताबाई वाजे असे या वृयोवृद्ध आजीचे नाव आहे. या घटनेने वाजे कुटुंबियांवर दु:खाचा डोंगर कोसळला आहे. तसेच शिरूरमध्ये हळहळ व्यक्त होत आहे.
advertisement
पुण्यात डीसीपीच्या गाडीला धडक
पुणे शहरात 'ड्रंक अँड ड्राइव्ह'च्या घटना सातत्याने समोर येत असताना, आता एका मद्यधुंद चालकाने चक्क वाहतूक विभागाच्या पोलीस उपायुक्त (DCP) हिम्मत जाधव यांच्या गाडीला धडक दिल्याची धक्कादायक घटना घडली आहे. ही घटना मुंढवा परिसरातील केशवनगर येथे रात्री साडेदहाच्या सुमारास घडली. अपघातात DCP जाधव यांची मुलगी किरकोळ जखमी झाली आहे.
या प्रकरणी मुंढवा पोलिसांनी तातडीने कारवाई करत दोन आरोपींना ताब्यात घेतले असून, त्यांच्याविरोधात 'ड्रंक अँड ड्राइव्ह' (दारू पिऊन गाडी चालवणे) अंतर्गत गुन्हा दाखल करण्यात आला आहे.