भोर तालुक्यातील सारोळे गावांमध्ये पाचवी ते सातवीच्या विद्यार्थ्यांना स्पॉनिशचे धडे दिले जातायत. जगभरात 20 पेक्षा जास्त देशांची स्पॉनिश ही अधिकृत भाषा आहे. परदेशी भाषा शिकल्यामुळे आपण त्या देशात स्थलांतर करून तेथील संगीत संस्कृती, साहित्य यांचा सखोल अभ्यास करून स्वतःचा व्यवसाय वाढवण्यासाठी ही याचा उपयोग करून घेऊ शकतो. जगभरात आंतरराष्ट्रीय पर्यटकांची संख्या दिवसेंदिवस वाढत आहे. त्यामुळे परकीय भाषा शिकणे आवश्यक झालंय.
advertisement
वानरांच्या त्रासामुळे गाव आलं एकत्र, ओसाड परिसराचं बदललं चित्र
या शाळेतल्या शिक्षिका वंदना कोरडे या स्वत: शिकून स्पॉनिश भाषेचे वर्ग चालवतात. 'साधारण एक वर्षभरापूर्वी मी स्पॅनिश भाषा मुलांना शिकवायला आणि स्वतही शिकायला सुरुवात केली. त्यावेळी अनेकांनी याबद्दल प्रश्न विचारले. शिक्षकांना अनेक अशैक्षणिक कामं असताना तू आणखी काम का वाढवत आहेस? असंही विचारण्यात आलं. मी सर्व नकारात्मकता बाजूला सारुन माझे काम सुरू केले,' असं वंदना यांनी सांगितलं.
आठवी पास तरूणानं चालवलं डोकं, ‘या’ व्यवसायातून करतोय लाखोंची कमाई
'हा प्रोजेक्ट राबवताना येणाऱ्या अडचणींना मलाच तोंड द्यावे लागणार होते. 'स्पॉनिश टू मराठी' नोट्स कुठेही उपलब्ध नाहीत. त्या नोट्स मलाच तयार कराव्या लागल्या. या शाळेत एमआयडीसीमधील कामगार, मजूर, शेतकऱ्यांची मुलं शिकतात. ही मुलं स्पॉनिश बोलतात त्यावेळी त्यांच्या पालकांच्या चेहऱ्यावर खूप अभिमानाचे भाव असतात, असंही त्यांनी सांगितलं.