आठवी पास तरूणानं चालवलं डोकं, ‘या’ व्यवसायातून करतोय लाखोंची कमाई

गायींचे आरोग्य चांगले राहावे यासाठी मुक्त संचार पद्धतीने गोठ्याची आखणी केली. दुध काढण्यासाठी ऑटोमॅटिक मशिन्स आणले. वेगवेगळ्या प्रकारच्या चाऱ्याची सोय केली. घरी असलेल्या शेतात काही चाऱ्याची लागवड केली. सध्या त्यांच्या व्यवसायातून त्यांना महिन्याला 50 ते 60 हजाराचे उत्पन्न मिळते. तर वर्षाकाठी चार ते पाच लाख सहज मिळतात.

मी बऱ्याच दिवसांपासून कोणता व्यवसाय करावा याचा अभ्यास करत होतो. या अभ्यासानंतर दुग्धव्यवसाय करण्याचा निर्णय घेतला. त्यासाठी दुसऱ्या राज्यातून गायींची खरेदी केली. त्यांना इकडच्या वातावरणात समरस व्हायला थोडा वेळ लागला. सध्या पाच गायींचे मिळून 70 ते 80 लिटर दूध निघते यातील काही डेअरीला तर काही हॉटेलला पुरवले जाते. त्यामधून महिन्याला 50 ते 60 हजार रुपये मिळतात, असं यांनी सांगितलं.

मराठवाडा यासारख्या दुष्काळी प्रदेशात केवळ हंगामी पिके न घेता वेगवेगळी पिके घेऊन शेतकरी आपली आर्थिक उन्नती साधत आहेत. दुग्ध व्यवसाय, शेळीपालन, कुक्कुटपालन यासारख्या व्यवसायातून देखील चांगले उत्पादन मिळते. कष्ट आणि काटेकोर नियोजन याच्या बळावर गंगाधर कुबरे यांनी दुग्धव्यवसाय फायदेशीर करून दाखवला आहे.