नाशिकमध्ये 2 दिवस खास ‘एअर शो’, वाहतुकीत मोठे बदल, हा रस्ता बंद, पर्यायी मार्ग कोणते?

नाशिक: भारतीय वायूसेना आणि नाशिक जिल्हा प्रशासन यांच्या वतीने येत्या गुरुवारी (दि. 22) व शुक्रवारी (दि. 23)रोजी ‘सूर्यकिरण एअर शो’चे आयोजन करण्यात आले आहे. गंगापूर धरणाच्या बॅकवॉटर परिसरात हा भव्य शो होणार आहे. या सोहळ्यासाठी होणारी गर्दी लक्षात घेता, वाहतूक कोंडी टाळण्यासाठी शहर पोलिसांनी गंगापूर रोडवरील वाहतूक व्यवस्थेत मोठे बदल करण्यात आले आहेत.