पुणे हादरलं! 300 कोटींची जमीन अन् 37 कोटींची फसवणूक; मोठ्या राजकीय नेत्याचं नाव समोर आल्यानं खळबळ

आरोपींनी फिर्यादींना मोठ्या नफ्याचे आमिष दाखवून महंमदवाडीतील 20 एकर जमिनीच्या विकसन करारासाठी 22 कोटी रुपये घेतले आणि त्यानंतर प्रकल्पासाठी अधिकचे १५ कोटी ४८ लाख रुपये खर्च करण्यास भाग पाडले. धक्कादायक बाब म्हणजे, जमिनीचे टायटल क्लिअर न करताच फिर्यादींच्या संमतीशिवाय सर्व्हे नंबर १८ मधील १२ गुंठे जमीन परस्पर नाना भानगिरे आणि इतरांना विकण्यात आली. हा व्यवहार कायदेशीर दाखवण्यासाठी बनावट यूएलसी (ULC) आदेशाचा वापर करण्यात आल्याचा संशय पोलिसांनी व्यक्त केला आहे.

advertisement

Pune Metro: आयटीयन्सचं मेट्रो प्रवासाचं स्वप्न पुन्हा लांबणीवर; आता हिंजवडी-शिवाजीनगर मेट्रोसाठी नवा मुहूर्त

या प्रकरणात गोयल, पटेल आणि ठकवाणी डेव्हलपर्सच्या भागीदारांचाही समावेश असून आर्थिक गुन्हे शाखेकडून (EOW) सखोल तपास सुरू आहे. दरम्यान, वल्लभ लालजी पटेल यांच्यासह सात जणांनी अटकपूर्व जामिनासाठी न्यायालयात धाव घेतली आहे, मात्र गुन्ह्याची व्याप्ती मोठी असल्याने पोलिसांनी या जामीन अर्जाला कडाडून विरोध केला आहे.