TRENDING:
नेमकी घटना काय?
विशाल प्रशांत हबीब (वय २८, रा. धायरी) असे मृत तरुणाचे नाव आहे. विशाल हा व्यवसायाने टेलर होता. पोलिसांनी दिलेल्या माहितीनुसार, संशयित आरोपी आदित्य उमाप हा विशालच्या नात्यातील एका मुलीला वारंवार त्रास देत होता. विशालने आदित्यला समजावण्याचा प्रयत्न केला आणि "मुलीला त्रास देऊ नकोस," असे ठणकावून सांगितले. मात्र, याच गोष्टीचा प्रचंड राग मनात धरून आदित्यने विशालचा काटा काढण्याचे ठरवले.
advertisement
लाकडी बॅटने जीवघेणा हल्ला
११ मार्चच्या रात्री विशाल धायरीतील डीएसके रस्त्यावरून जात असताना, दळवीवाडी फाट्याजवळील एका गोठ्यासमोर आदित्यने त्याला गाठले. आदित्यने आपल्याजवळील लाकडी बॅटने विशालच्या डोक्यावर आणि शरीरावर वार केले. हा हल्ला इतका भीषण होता की, विशाल रक्ताच्या थारोळ्यात कोसळला आणि त्याचा जागीच मृत्यू झाला. घटनेनंतर आरोपी आदित्य उमाप फरार झाला असून पोलीस त्याचा कसून शोध घेत आहेत.
या प्रकरणाचा अधिक तपास पोलीस उपनिरीक्षक दत्तात्रय सावंत करत आहेत. मात्र, क्षुल्लक कारणामुळे झालेल्या या भीषण घटनेमुळे परिसरात एकच खळबळ उडाली आहे.